هذه قصيدتي في طويلة العمر كوندليزا رايس أتمنى أن تنال إعجابكم



يا الله يا ربي يا مولى الضعيفين
ياللي في حكمك كل نفس ورسنها

أشكيك حال الذل والضعف واللين
اللي حصل في أمة رسولك لأنها

حادت عن دروبٍ توصلها للدين
وصدت عن اللي وسط غزه زبنها

يا كوندليزا وش بـقـى ما تسوين
كل المصايب جات عنها ومنها

من بعد ما علمه يجي بين قوسين
صارت على العربان تامر وتنها

ساقٍ على ساقٍ في وجه السلاطين
ذلت شواربهم بضحكات سنها

من قبل تاتي كوندليزا بعامين
حكامنا قامت تجهز كفنها

يا كوندليزا كانك اليوم تدرين
إن الربع لا جيتي يظهر عفنها

ماكان شفتك جالسه بين شيخين
لو أنهم يسقوك دلة عدنها

لاتحسبينك يا وشنطن بتبقين
ما فيه دوله ما نودع زمنها

لاشك يبقى بعدها فعلها الشين
يلعنه جيلٍ بعد جيلٍ لعنها

يا لعـنبو وقتٍ نعيشه ذليلين
باسباب معروفه ولا تبنا عنها

اللي شرا حياته اليوم بالدين
قله تمورو راح يلقى ثمنها

وختامها صلوا صلاة المحبين
على الذي وسط المدينه سكنها



وتقبلووو تحيااتي ،،،،

اسمحلي ان احييك على هالقصيده التي لايقولها الا شاعر متمكن صح لسانك ولاتحرمنا....

وختامها صلوا صلاة المحبين
على الذي وسط المدينه سكنها

صح لسان قايلها
يعطيكـ الف عافيه

تقبل مروري

مشكور صعب على المرور

مشكورة نهايه على المرور

ثانكس
عل موضوع الروعه
لاخلا ولاعدم
منك يا الغلا
تقبل طلتي

طرح جميل كلمات رائعه ومعبره جد
آ تعبر عما في صدق مشاعرك
دمت لنا ودام قلب قلمك النابض
تسلم يمنك والله يعطيك العافيه

الله يورينا فيها عجائب قدرته
هالكندرا ريزا رايز