شموخ عزي
09-26-2009, 07:53 PM
http://up4.m5zn.com/9bjndthcm6y53q1w0kvpz47xgs82rf/2009/9/26/09/gau99qyib.gif (http://games.m5zn.com)
http://up4.m5zn.com/9bjndthcm6y53q1w0kvpz47xgs82rf/2009/9/26/09/nb8lgy8d8.gif (http://games.m5zn.com/)
كل عام وانتو بخير هذي قصه كاتبتها انا واتمنى تقيموني عليها
يالله اترككم مع القصه
(رحلت انت وتركت لخاطري طيفك وصبرن طال غدت ذكراك شمس ماتغيب وصورتك ظلي)
ملاك&فيصل
ابطال القصه;
ملاك 18سنه توها مخلصه الثانوي بنسبه عاليه.عايشه حياتها بكل معانيها تحب الاستهبال والضحك نعوومه ودلووعه في بيتها.الاهم بالنسبه لها راشد الماجد تعشق كل اغانيه عندها اربع اخوان وخواتها ثنتين كلهم اكبر منها
ريم15سنه ناجحه لثالث متوسط بنت تعتبر ملتزمه بدينها بس تجيها لفات احيانا.
مرام22سنه جالسه بالبيت نشيطه تعصب بسرعه واكثر شي تعصب منه ملاك....
المهم ملاك وريم ومرام بنات خالات يعني امهاتهم خوات للي مايفم يعني...
فيصل:26سنه ممرض كان متزوج وطلق زوجته عنده منها (ليااان)3سنوات....
بداية القصة برمضان لما جت ريم وقالت لملاك انا تعرفت على واحد طبعا ملاك انصدمت...
ملاك:يالدوبا شلووون
ريم: هو ارسلي وسائط عاد انا دقيت على رقمه باشوف مين
قاطعتها ملاك:وليش تدقين يامجنوونه؟؟
ريم:كذا طفشت دقيت
ملاك ايوه بعدين شصار
ريم:بس وصرت اكلمه اسمه فيصل وعمره 26يشتغل ممرض
طبعا ملاك انقهرت كانت اول تكلم بس قطعت علاقتها باللي كانت تكلمه طبعا دايم تنصح ريم عشان كانت خايفه انها تكلم لانها توها صغيره وبنفس الوقت ملتزمه
مرت الايام على ريم مع فيصل يكلمها كل يووم ومره كان الفطوور ببيت مرام وكان جوال ريم مقطوع وتبي تكلم فيصل عشان ملاك ومرام تبي تسمعهم صوته
ملاك قالت لريم: خذي جوالي دقي منه
ريم اخذت جوالها دقت لقت مقفل
حاولت كثير لأن ملاك كانت خايفه انه يرجع يدق عليها وكل مره تلقاه مقفل
ملاك: خلاص بكره لادق بقوله يدق عليك.
ريم: اوكي واذا مادق؟؟
ملاك: اكيد بيدق لاشاف كل هالمكالمات
جاء بكره العصر وملاك تنتظر فيصل يدق عليها مادق بعد المغرب قالوا خواتها انهم بيروحون السوق وملاك خافت يدق وهي بالسوق وماتقدر تقوله شي ودقت على ريم
ريم: هلا ملووكه وش عندك
ملاك: وش عندي بعد الا القلق حقك مادق وانا برووح السوق بعد العشاء
ريم: طيب دقي عليه انتي شوفي يمكن فتحه!؟
ملاك: طيب بحاول
ملاك دقة عليه بس مافيه فايده كله مقفل
بعد دقايق يرن جوال ملاك الا وتلقاه فيصل عاد ردت عليه
ملاك:هلا
فيصل:اهلين مين معي؟؟؟؟
ملاك: سوري عالازعاج انا بنت خالت ريم امس كانت تدق عليك وانت مقفل رقمك وقالت لي اقولك تدق عليها
فيصل: اوكي باااي
ملاك باي
دقايق ويرن جوال ملاك
ملاك : هذا فيصل شيبي بعد؟؟
ردت : هلا
فيصل :هلابك معليش بس ريم ماترد
ملاك تصارخ : ماترد اف منها خلاص الحين ادق عليها اشوف شفيها
فيصل : اوكي بااي
ملاك باي
ملاك دقت على ريم وريم ماردت انقهرت منها ورجعت تدق عليه
ملاك السلام
فيصل هلا عليكم السلام هاه شصار معك
ملاك: ماترد
فيصل : يعني
ملاك : بصوت عالي مشكلتها
فيصل : هههههه حلوه مشكلتها
ملاك حست انه يتميلح و ماعجبها قالت
: إيه مشكلتها اذا تبي بتدق عليك اهي اوكي باااي
فيصل : طيب شفيك معصبه
ملاك: مو معصبه بس انا الحين بطلع السوق مستعجله باااي
فيصل يضحك : باااي
سكر فيصل منها وحس انه ارتاح للبنت وفكر فيها......
وبيووم المغرب يرن الجرس ببيت ريم
علي اخو ريم:مين
....افتح انا مشااعل بنت جيرانكم.
بما ان علي صغير فتحلها الباب ودخلها وراح يقول لريم طلعت لها ريم وسلمت عليها
ريم:شعوووله هلا والله كيفك
مشاعل:تمام انتي كيفك
ريم:عايشه وش اخبار حركات الدجه معك
(مشاعل كان من البنات اللي يكلموون كثير ويطلعوون يعني مايخافون من احد والأردى انها ماعندها جوال وتكلم من جوال ريم)
مشااعل:والله مدري متى بتوب من هالحركات اللي ماتودي ولاتجيب
ريم:تعالي معي الغرفه عندي لك سالفه وسحبتها بسررعه لغرفتها
مشاعل:يالخبله شوي شوي علي
ريم علمت مشااعل سالفة فيصل بالتفصيل مشاعل:دقي عليه ابي اسمع
ريم ماصدقت خبر ودقت
ريم:السلام عليكم
فيصل:عليكم السلام هلا والله بهالصوت
ريم:اخبارك
فيصل:الحمدلله طمنيني عنك؟؟
ريم:والله انا بخير
فيصل:غريبه داقه موبعادتك العاده انا اللي ادق عليك والا اشتقتيلي
ريم استحت: مدري!!
قعدوا يتكلمون مع بعض شوي إلا مشااعل ناطه بوجه ريم
مشاعل:ريم عطيني بكلمه
ريم:فيصل هذي بنت جيراننا تبي تكلمك وعطتها الجوال
مشااعل:مرحبا
فيصل:اهلين؟؟؟طبعا بنفسه يقول(وشتبي ذي)
مشااعل سلمت على فيصل ورجعت الجوال لريم :الوووفيصل
فيصل:هلا ريم ريمو اخليك حياتي مع بنت جيرانكم الحين انا مشغول بعدين اكلمك
ريم:اوكي بااي
فيصل: باااي
مشاعل:ريم هذا يلعب عليك هذا يوسف اللي كنت اكلمه تذكرتيه
ريم :تستهبلين علي انتي؟
مشااعل : لاوالله بس نفس صوته عشان كذا قلتلك ابي اكلمه عشان أتأكد وتاكدت هذا يوسف مو فيصل وقالت اذا دق عطيني اكلمه بعد ساعتين يرن جوال ريم شافته لقته فيصل عطت مشاعل ترد
مشاعل: الوو
فيصل: هلا ريم؟؟؟
مشاعل : لا أنا مشاعل يايوسف
فيصل : اي يوسف ههههههه اقول عطيني ريم
مشاعل اتنرفزت منه وصارت تسب فيه وبأهله وريم تسمعها واكيد ساكته
فيصل: رد على مشاعل بنفس اسلوبها
وقالهاا أنتي ماتهميني المهم ريم وراح اوريك من انا وقعد يهددها ولأن مشاعل ماتخاف قالتله اللي ماتطوله بيدينك واصله برجولك وسكرت منه
فيصل صار لما يدق على ريم بس يهدد بمشااعل ويقولها لوماتركتي ذا البنت راح تصيرين زيها وراح يحتقروونك كل هالناس وتصيرين متعه للشباب ودايم ينصحها تبعد عن مشاعل وريم مطنشته
بيوووم من الايام كان شوي وبيذن الفجر يدق فيصل على ملاك
فيصل : مرحبا ملاك كيفك
ملاك:تمام انت كيفك
فيصل: الحمدلله
لحظة سكووت..........
ملاك:آمر يافيصل شلوون اخدمك؟؟
فيصل : مدري شلون ابدا معك بس ابيك تكونين واسطه بيني وبين ريم
ملاك : كيف؟؟؟؟
فيصل:اقصد ابيك تقربينها لي ونبعدها انا وانتي عن مشاعل لأنها بتضيعها
ملاك: بس انا وانت مارح نستفيد لان كلامنا عندها بيصير ماله معنا وريم عارفه كل بلاوي مشاعل وراضيه بمعرفتها شلوون اجي اقولها أبعدي عنها كذا بعدين من يومهم صغار مع بعض شلوون نبعدهم الحين وهم كبار
فيصل: مدري بس انا خايف عليها
ملاك : انا معك بكلامك بس صدقني مهما حاولنا مارح نقدر لين ريم بنفسها تشوف موقف من مشاعل يبعدهم عن بعض
فيصل : طيب ملاك شكرا انك سمعتيني اخليك الحين باااي
ملاك بااي
ريم صارت بينها وبين فيصل مشااكل تدخل فيها واحد تعرفه مشااعل اسمه محمد تقوول انه قوي وإنه نص شباب الرياض يعرفونه ويخافون منه ومشاعل قالت لريم تحول مكالماتها عليه بالأول ريم رفضت بس مشاعل قالتلها اذا ماحولتيهن اخاف هذا يسوي اللي قاعد يقوله وينشر صوري اللي يقول انها عنده خليه يفزع لك ياهبله...
حولت ريم المكالمات عند انشغال الخط لمحمد العشا يدق فيصل على ريم ريم حولت المكالمه
ماقعدت دقايق إلا يدق عليها محمد
ريم: هلا
محمد: هلا ريم شخبارك؟؟
ريم : تمام انت اخبارك
محمد : الحمدلله اقولك ترى فيصل الحين قفل جواله اذا كلمته مره ثاانيه اتفاهم معه واعلمك
ريم:طيب يعطيك العافيه
محمد: الله يعافيك
بالليل دق فيصل على ريم بس ماحولته هالمره كان يعاتبها عشان حولت جوالها على محمد وزعلان منها وهي ما اهتمت
فيصل ماعاد دق على ريم بعد كذا بس صار محمد هو اللي يدق عليها مسوي بودي قارد لها وبنفس الوقت يتميلح عندها وهي مسايرته تشوف شآخرتها معه...
مره اجتمعوا البنات(ريم-ملاك-مرام) ببيت جدهم
ريم:بدق على محمد
ملاك:أقول إنتي وياهذا رامبو
مرام:ههههه حلوه منك ملووكه
ملاك:تزوجيها هاهاهاهاااااي
الكل:ههههه
ريم دقت على محمد
محمد:هلا ريم
ريم :هلا بك أخبارك
محمد :تمام أنتي
ريم:الحمدلله حبيت أشكرك محمد على موقفك معي
محمد:لاعادي أنا بخدمتك أنتي آمري بس
(ملاك كانت تسمعه ووقتها قالت لريم بصوت خفيف مالت عليك أنتي وياه)
ريم:جتها ضحكه وقالت تسلم
محمد:والله لوتشوفيني بالدباب مهجول أنا والشباب بالتحليه
ريم : ههه
محمد:تسلملي هالضحكه
ريم استحت: أوكي محمد أخليك مع دباباتك ياحظكم فالينها مهب زينا
محمد:أوكي بآآي
~¤~¤~¤~¤~¤~¤~
المهم راح رمضاان وجاء العيد ومحمد ماصار يدق على ريم وفيصل رجع يدق عليها ريم ولا كانه صار شي ونفس الوقت كان مهم عنده يبعد ريم عن مشاعل كانت علاقتهم أخوه بس وطبعا ايام العيد الخوات كلهم يجتمعون ببيت ابوهم يعني جد ريم وملاك ومرام
فيصل يدق على ريم
ريم: هلا والله
فيصل : هلابك كيفك
ريم: تمام الحمدلله شخبارك
فيصل : والله بخير كل عام وانتي بخير
ريم : وانت بخير وصحه وسلامه
فيصل : هاه كيف العيد معك انشالله مبسوطه
ريم : ايه والله اليوم الاول طلعنا لجيراننا اليوم ببيت جدي وبنقعد لين الرابع وانتم
فيصل : حنا والله هذاهم كل يوم عشا عند احد.
ريم:فيصل شوي وراجعه خذ ملاك كلمها لين اجي
تعطي الجوال ملاك,,,,
ملاك: خييييير
ريم : كلميه لين ارجع
ملاك : من قال اني بكلمه
ريم : يالله حبيبتي بس شوي
ملاك : ياربي منك
ملاك تاخذ الجوال : الوو
فيصل : هلاوالله ( فيصل تذكر هذي بنت خالتها المصرقعه )
ملاك:هلابك شخبارك
فيصل :تمام كل سنه وانتي طيبه
ملاك :وانت طيب
ماطولوا شوي وجت ريم وكلمته
فيصل : والله بنت خالتك هذي زاحفه رهيبه
ريم : تبيها؟؟؟
فيصل : ايه والله ابيها من زمان بعد
ريم : اوكي بقولها اشوف شبتقول
فيصل : إيه تكفين قوليلهاترى انا مفكر فيها من اول بس ماعرفت شلوون اقولك
ريم : عآدي كان قلتلي
فيصل : أوكي قوليلها وردي علي
ريم : اوكي بااي
فيصل :باااي
ريم راحت لملاك وقالتلها عن فيصل ملاك قالت مابيه وش ابي فيه فاضيه انا ينشبلي
ريم حاولت تقنعها بس هي كانت رافضه
وكلمت فيصل
فيصل : هلا ريم هاه بشري
ريم : وش ابشر حاولت فيها بس ماتبي
فيصل : خسآره انزين يالله تبين شي
ريم : سلامتك
فيصل زين اخليك بنروح عند عمي العشاء بااي
ريم : بااي
ثالث يوم بالعيد
فيص يدق على ريم
ريم : هلا فيصل
فيصل: أهلين شخبارك
ريم: تمام
فيصل : ريم لين الحين تكلمين مشااعل
ريم : أيه لين بكره
فيصل : ريم مشااعل دقت علي وقالتلي كلام عنك
ريم : بالله!!! وش قالت
فيصل : قالت انك وحده بايخه واني لازم اتركك
ريم: لا تستهبل علي مشاعل ماتقول عني كذا
فيصل : اقولك داقه علي وقعد يصرخ عليها
ريم خافت منه وبكت وعطت السماعه لملاك
ملاك :فيصل شقايل لريم
فيصل : شفيها تبكي؟؟
ملاك ايه انت شقلتلها
فيصل : قلتلها عن مشاعل داقه علي وقايله كلام ماله داعي عنها
ملاك : ما اتوقع
فيصل : يرفع صوته حتى انتي يعني شلوون ساحرتكم هي
ملاك تضحك : أي سحر يابووو بس هي تعرفها اكثر مني ومنك واذا كانت قايله عنها شي كيفها هي وياها وانت ماعليك منهم
فيصل: شلون ماعلي منهم
ملاك: ايه ماعليك منهم انت شدخلك اصلا كيفها هي تبي تتركها مارح تنتظر احد يجي يقولها خلي مشاعل وريم تعرف سوالفها قبلنا كلنا اوكي لاتزعجها
فيصل حس ان ملاك زودتها شوي وانقهر من اسلوبها بس ملاك قالت احسن ليش يبكي ريم
من بكره فيصل يكلم ريم واعتذر لها ريم كانت بتصلي الفجر وملاك عندها وعطت الجوال ملاك تكلم فيصل لين تخلص....
ملاك:هلا فيصل
فيصل :أهلين ملاك شخبارك
ملاك :تمامو كيفك
فيصل:تمام ممكن أسألك سؤال
ملاك تفضل
فيصل:أنتي عندك علاقه مع أحد يعني تحبين
ملاك:كان فيه علاقه بس الحين لا
فيصل :طيب ممكن أعرف ليش رفضتي علاقتي
ملاك:أنا مارفضتها معك أنا رافضه أكون علاقه ثانيه
فيصل:أهااا أوكي براحتك
خلصت وجت امها وقالت يالله ياريم بنمشي للبيت
ملاك قالت : لا ياريم بتخليني ( تستهبل)
وكانت بتسكر من فيصل
فيصل : دقيقه طيب بقولك شي وبسكر على طوول ولاتقولين لريم اوكي
ملاك : اوكي قول
فيصل : ilove you باااي
ملاك: ؟؟؟باااي
وقامت وضمت ريم وودعتها
من بكره ملاك دقت على ريم بس قالتلها عن كلمت فيصل
بعدها دقت ملاك على فيصل بطلب من ريم
ملاك :السلام
فيصل : عليكم السلام هلا والله شخبارك
ملاك : الحمدلله انت اخبارك
فيصل : تمام هاه شصاير بالدنيا داقه علي
ملاك : ابي اسالك عن يوسف
فيصل : ضاق بعد يوسف انا ما اعرف اساسا يوسف هذا منهو
ملاك : بذمتك انت مو يوسف
فيصل : اقسم لك بالله انا مو يوسف ولا اعرفه
ملاك طيب انا اسفه اذا ازعجتك وبليز لاتقول لريم اني كلمتك
فيصل: أوكي مابقولها اذا ماقلتيلها عن اللي امس قلتلك
ملاك تضحك وقالت: وحده بوحده يعني
فيصل:إيه
ملاك: أوكي مان بآآي
فيصل ضحك : بااي
بعدها فيصل صار يدق على ملاك دائما وماصار يدق على ريم
لأن ملاك أرتاحت لفيصل وهو أرتاحلها كثير ...
مر على علاقتهم شهور وملاك حبت فيصل وكل يوم يزيد حبها له وعطته كل شي تقدر عليه وحست ان فيصل بدا يحبها وبيوم فيصل طلب من ملاك يشوفها ملاك رفضت قالت له ما اقدر قالها مكالمة فديو رفضت وكان رفض ملاك بتحريض من مرام لان مرام ماتوثق بفيصل وخايفه على ملاك منه فيصل حاول بملاك كثير بس ملاك كان رفضها قوي ومره فيصل دق على ملاك وكان الوقت متأخر تقريبا الساعه ثلاث الفجر
ملاك كانت توها بتنام
ملاك : هلا فصول
فيصل :هلا ملووكه صبااح الخير شحالج (يقلد الاماراتيين)
ملاك بالمصري: الحمدلله ازيك انتا عامل ايه
فيصل : تمام ياقلبو نايمه
ملاك : لاتوني منسدحه عالسرير بنام بس مادامك دقيت بقعد معك شوي
فيصل: ملاك الحين برسلك شي تشوفينه وتمسحينه على طول
ملاك: وشو وسائط
فيصل : يس شوفيها وامسحيها انزين واحلفي انك بتمسحينها
ملاك : اوكي والله بمسحها وانتظرت ماجت الرساله كلمها شوي بعدين قالها اخليك تنامين باااي حبيبتي
ملاك: بااي عمري
انتظرت ملاك كثير كانت متحمسه تشوف شمرسلها بس الرساله تأخرت صلت الفجر ونامت
(الساعه 11الصبح ملاك جتها رساله كانت حاطه نغمة الرسايل راح وخلاني لحالي اغنية راشد ولأنها متحمسه قامت على صوت الرساله وفتحتها على طول يوم شافت الرساله طلعت عيونها ماعرفت شتسوي قعدت تقريبا خمس دقايق تناظر فيها تدرون ليه لأنها صورة فيصل هي ماكانت متوقعته يرسلها كان طويل ومره نحيف وجهه طويل كل شي فيه طويل وماذبحنها الا السكسوكه ملامحه تدل على ان عمره 19سنه مره مصغرته)
رجعت تنام العصر دقت على فيصل
فيصل:هلا ياقلبي ملووكه
ملاك: اهلين يارووح ملووكه
فيصل استانس حس انه عجبها
ملاك:يالبا قلبك فصول متأكد ان عمرك 26
فيصل يضحك: ايه بس شكلي اصغر صح
ملاك: اصغر بكثير
وصارت تستهبل عليه كل ماقالها شي قالت توك صغير على هالحركات
فيصل :تدرين ياملاك اللي تقولين عنه صغير كان متزوج وعنده بنت
ملاك بصوت عالي : عندك بنت (هو قالها انه كان متزوج وطلق زوجته بس ماقالها عنده بنت)
ملاك تصارخ: وليش يافيصل ماقلتلي من اول؟؟؟
فيصل: خفت ماتتقبلين الفكره
ملاك:لاياشيخ وتتوقع يوم انك جاي تصدمني بالخبر بكون مستانسه
فيصل : ملاك انا اسف والله خفت تتركيني
ملاك:فيصل انت ماصارحتني بأشياء كثيره بحياتك كل يوم جاي تصدمني بخبر اول شي خبر انك كنت متزوج والحين عندك بنت وبعدين شبتقول
فيصل: ملاك حبيبي لاتزعلين وربي موقصدي ازعلك بس انتي كان لازم تعرفين....
(ملاك هدت اعصابها)
فيصل: الحين برسلك صورتها
(أرسل صورة البنت وقال اسمها لياان )
المهم ملاك من شافت البنت خقت وصارت تصرخ لأنها حبتها وسألته عن عمرها
فيصل: ثلاث سنوات
(ملاك قالت بنفسها حرام تعيش مشتته بين امها وابوها)
ملاك:الله يحفظكم لبعض
فيصل: ملاك ابي صوره لك
ملاك:اوكي بكره اصورلك وارسلها اليوم حدي مشغوله اوكي قلبي
فيصل:اوكي حياتو بااي
ملاك: باااي
من بكره ملاك صورت وارسلت الصوره لفيصل ملاك كانت من السمر المملوحين وكان جسمها حلو قصيره ونحيفه ,,,
فيصل شاف جسمها انهبل ودق عليها يصارخ وش ذا الحلاوه انتي حلوه ولون بشرتك مره جناان
لأن فيصل يقول يحب البنات السمر
ملاك اكيد استانست لانها اعجبته
(وبنفس اليوم ملاك وريم ومرام كانوا بيطلعون لزواج وبعد الزواج بيجتمعوون ببيت وحده من خالاتهم
وبذاك اليوم ريم قالت لملاك ان فيه واحد يزعجها يوم ماعطته وجه ارسلها انا اوريك ياريم وسبها ريم خافت وشكت بفيصل انه هو اللي مرسله
ملاك: بسأله
ريم :لاتسألينه
ملاك عندت ودقت على فيصل تسأله لان بيحز في نفسها اذا كان هو صدق
ملاك:هلا فيصل
فيصل: هلا بقلب فيصل
ملاك : فيصل بسألك بس تجاوبني بصراحه
فيصل:اكيد ياقلبي وهذي يبيلها؟؟
ملاك:فيصل انت معطي احد رقم ريم
فيصل:شقاعده تقولين من قالك انه انا
ملاك:فيصل هذا يعرف اسمها ماحد يعرف اسمها غيرك
فيصل من اللي قال انا... ريم؟؟
ملاك:ريم قالت يمكن فيصل وانا قلت ممكن
(فيصل يومها زعل من ريم ومن ملاك وعصب قعد يهاوش فيها وقال عطيني ريم ريم رفضت تكلمه وبالاخير وافقت)
ريم: ألوو
فيصل: ريم شخبارك
ريم: الحمدلله
فيصل:ريم انتي قلتي انا اللي مرسلك اللي يدق عليك كان هادي عكس يوم يكلم ملاك وهالشي ضايق ملاك
ريم: لا ماقلت هي قالت
ملاك جنبها:يالدوبا لاتكذبين
فيصل: عطيني ملاك
ملاك:الوو
فيصل : ليش تقول انه انتي اللي قايله
ملاك:فيصل والله هي اللي قالت بس يمكن خافت منك وقالت انها انا
فيصل :اوكي انا اوريها اعلمها من انا
ملاك : أنهبلت وقالت خيير وش بتسوي؟؟
فيصل:كل شي بوقته حلو
(ملاك كانت حاسه انه مارح يسوي شي لانها عاشرته وتقريبا وعرفت شلوون يفكر وتعرف إن قلبه طيب)
ملاك: انزين الحين تبي شي
فيصل :لا <<مسوي زعلان
ملاك:براحتك بااي
(ملاك شالت بخاطرها من اسلوب فيصل
الساعه 4الفجر فيصل يدق على ملاك وهي ماترد لانها زعلانه منه
دق كثير وماردت ارسلها
شوفي ملاك لو مارديتي الحين صدقيني مارح تشوفيين رقمي
ملاك خافت لانها تحبه موت ردت بعد مادق
ملاك: نعم
فيصل: ليش ماتردين
ملاك كذا
فيصل :ماتبين تردين
ملاك: إيه مابي ارد
فيصل:والله براحتك مع السلامه
ملاك: ...... ماردت وسكرت بسرعه
الساعه 8قبل لاتنام ارسلتله:
جزاتي اني معك وافي تعذبني بلا اسباب
وانا دايم اشوفك بعيني اغلا احبابي
اثاري هالغلا ضايع اثاري هالوفا كذاب
عطيت وماخذيت الا دموع تسكن اهداابي
بعدها خلت الجوال صامت ونامت بعد ماصحت من النوم لقت مكالمه منه
العشا فيصل يدق على ملاك
ملاك : الوو
فيصل : هلا
(كل واحد منهم ينتظر الثاني يراضيه
ماحد منهم تنازل وتموا هذاك اليوم شايلين على بعض بس ماكملوا تراضوا من بكره
مره فيصل طلب من ملاك تشوف وحده لولد عمه ملاك ضاقت وقالت وانا وش دخلني فيه ادورله وحده يكلمها ما كثر الله الا البنات
فيصل قال انتي قولي لمرام بنت خالتك
ملاك قالت :مرام يمكن ماترضى
فيصل:انتي اساليها وردي علي
ملاك اوكي باااي
وسكرت من فيصل وراحت تدق على مرام وقالتلها السالفه ومرام وافقت وصارت تكلمه اسمه خالد
~¤~¤~¤~¤~¤~¤~
مره فيصل دق على ملاك وكانت بالباص راجعه من الجامعه
ملاك :هلا
فيصل :أهلين شخبارك
ملاك :الحمدلله
فيصل :أنتي بالباص
ملاك:يس ليه
فيصل :أبي أكلمك بموضوع بس بالباص ماينفع
ملاك:أوكي أذا رجعت البيت أكلمك
فيصل:لا أنا بنام الحين
ملاك :أوكي لاصحيت دق
فيصل أوكي باي
ملاك:باي
ملاك انتظرت فيصل مادق ذاك اليوم كله وحتى مايرد على مكالماتها ومن بكره دق عليها وهي رايحه للجامعه
ملاك كانت زعلانه منه بس ردت لأنها خايفه عليه
ملاك:ألوو
فيصل :صباح الخير
ملاك:أهلين
فيصل:أخبارك
ملاك:تمام كانت تتكلم بدون نفس
فيصل:معليش ياقلبي والله أمس كنت مع الوالده وخالي من العصر لين الساعه 12
ملاك:طيب اذكر فيه أختراع اسمه رسايل
فيصل:ههه أدري ياقلبي بس توني ماحد علمني عليه
ملاك تقلد صوته ادري ياقلبي بس توني ماحد علمني عليه
فيصل:ههه طيب أنتي تعالي عندي علميني
ملاك استحت:لامابي
فيصل :ماتبين تعلمين حبيبك
ملاك:أصلا أنا وش ذبحني الا انك حبيبي
فيصل:يالبا قلبك
ملاك تسمع البوري حق الباص
ملاك :حبيبي هذا الباص جا أخليك أوكي باي
فيصل:أوكي حبيبتي باي
ملاك تعرف أن بهذا اليوم فيصل يكون عنده مناوبه يعني مايطلع الا بعد العشا وينام مايصحى الا الفجر يعني مارح يكلمها
من بكره كلمها الصباح وهي طالعه الجامعه كالعاده وكلمها لما طلع من الدوام وقالها بنام اذا صحيت كلمتك وناموا كلهم
~¤~¤~¤~¤~¤~
العشا ملاك توها صاحيه وكانت بسريرها ماقامت منه تفكر بفيصل ألا ويدق عليها
ملاك:هلا قلبي
فيصل :يالبا قلبك شخبارك
ملاك:تمام كيف الحال
فيصل : كل قطعه بلحال
ملاك: هههه
فيصل:الله لايحرمني ياك
ملاك:ولايحرمني وجودك جنبي
فيصل :ملاك تتذكرين لما قلتلك أبيك بموضوع
ملاك:اها وش هالموضوع
فيصل :لاتعصبين
ملاك:أوكي قول خوفتني
فيصل:بهذاك اليوم كنت راح أتملك
ملاك:إيش وليش ماقلتلي قبل
فيصل:عشان أنتي قلتي أنك بتتركيني لاعرفتي اني تملكت بعدين كنت بقولك بس بالوقت المناسب
ملاك:متى انشالله لاجبت منها ولد والا بنت
فيصل:لا قبل كنت بقولك بس احترت كيف
ملاك بنبره حاده:فيصل ليش ماقلتلي؟
فيصل:خلاص انتهى الموضوع
ملاك تقلده:انتهى الموضوع
فيصل يضحك :خلاص عاد ملوكه
ملاك:إيوه وليش هونت انشالله
فيصل:قلتلها بنتي بتعيش عندي رفضت قلت أجل خلك ببيت أبوك
ملاك:أحسن
فيصل:هههه
ملاك:يالله لوسمحت أنا ابي أقوم أغسل وآخذ شاور ولاتنسا ترى انا زعلانه وبشوف شلون بتراضيني باي
فيصل:كذا وعطاها بوسه
ملاك استحت وقالت يالبا قلبك
فيصل: كم عندي ملوكه وتزعل مشكله
ملاك:ههه يقولون مغروره وشلون ماأغتر وانت تموت فيني أحم أحم فصول أسمعني
فيصل: لبيه
ملاك:أحبك
فيصل:أموت فيك
ملاك:أوكي حبيبي اخليك الحين أوكي
فيصل:أوكي حياتو باي
ملاك:باي
~¤~¤~¤~¤~¤~
خالد مره دق على مرام وكلمها عني قالها بنت خالتك مراهقه وان ولد عمي يكلمها كذا وهي مصدقه نفسها وتراها ارسلت صورتها لفيصل أنا وفيصل مانخبي عن بعض شي مرام قالت له مستحيل ماتسويها
(لان ملاك ماقالت لمرام وريم انها ارسلتله الصوره)
خالد:انا بعد يومين بدق عليك وبقولك الدليل على كلامي
مرام:اوكي
كانت متاكده انه غلطان
بعد يومين دق خالد على مرام
مرام :نعم
خالد:السلام عليكم
مرام:وعليكم خلصني قول الدليل
خالد :طيب بس لاتعصبين
بنت خالتك كذا وكذا وكذا.....صار يوصف شكلها ومرام مي مصدقه معقوله ملاك تسوي كذا خالد قال لمرام لاتقولين لملاك اللي قلتلك عشان ماتصير مشكله اوكي
سكرت منه ودقت على ريم وقالت لها
ريم قالت لمرام: طيب شرايك اذا قلتلك ان فيصل صاير يدق علي من فتره وقايلي لاتقولين لملاك وانا ماقلتلها مرام كانت معصبه وسكرت من ريم وهي منقهره من ملاك ومن كلام خالد عنها
بعد يومين ملاك كانت قاعده على الماسنجر الا ويدق عليها فيصل
ملاك:اهلين فصول
فيصل :هلابك شخبارك
ملاك:تمام انت شخبارك
فيصل الحمدلله
ملاك:فيصل قلبي معليش انا الحين مشغووله شوي بدق عليك
فيصل أوكي بااي
ملاك بااي
( ملاك كانت تبي تشوف مرام شفيها كانت موجوده ولاترد على ملاك)
ملاك:مرام شفيك علي انا مزعلتك بشي
مرام:اسألي نفسك شسويتي بعدين تعالي ناقشيني
ملاك:طيب انتي قوليلي كانت متاكده انها مازعلت مرام بشي
مراام :مارح اتكلم
ملاك مرام اسمعيني الحين بدق عليك اشوف شفيك ردي
مرام :لاتدقين مارح ارد عليك ماكانت تبي تقولها شقال عنها خالد
ملاك سجلت خروج بسرعه ولاشافت رسالة مراام الاخيره
ملاك تدق على مراام ولاردت وهي حااولة لين ردت عليها
ملاك:شفيك مرام قولي لي انا شغلطت معك فيه
مراام: ماتحملت وقالت لملاك شقال خالد
ملاك:انصدمت من كلامها وانصدمت اكثر من فيصل حبيبها سكتت كثير معقوله فيصل يقول عنها كذا فيصل اللي لوطلب روحها عطته
مرام: ملاك لاتقولين لفيصل عن هالموضوع خليك كأنك ماتعرفين شي
ملاك بهدوء: أوكي اخليك مرام بااي
مرام : باااي
سكرت من مرام وراحت غرفتها تبكي
جت ام ملاك تطق عليها باب الغرفه:يمه ملاك ماتبين غدا
ملاك : لايمه مو مشتهيه آكل وكانت تبكي وتتذكر ايامها مع فيصل وتقوول خساارة وفاي لك يافيصل وثقت فييك وخذلتني كثير
العصر دقة ريم على ملاك وقالت لها ان فيصل يكلمها وملاك انصدمت اكثر وقالت خلاص بدق عليه بقوله اني عرفت كل هذا عنه ماعاد استحمل
ريم: لاملاك تكفين لاتقولين له عن الكلام اللي قلتلك هو يعرف رقم امي اخاف يسويلي مصيبه
ملاك: اوكي مارح اقوله
(ملاك فكرت شوي وقالت حساافه عليك الدقايق اللي قضيتها معك وصلت فيه انه يخووني مع بنت خالتي كان نفسها تسأل ريم ليش ماقالتلها من الاول بس تراجعت لانها مارح تستفيد شي)
ملاك تدق على فيصل مايرد عليها
ارسلتله :فيصل ممكن لما تشوف الرساله تدق ابيك ضرووري
فيصل بعد ماشاف الرساله دق على ملاك
ملاك:الوو
فيصل:هلا ملاك وشفيك
ملاك: وشفيني؟؟خنقتها العبره كان ودها تبكي قالت وش الكلام اللي سمعته من ولد عمك
فيصل:؟؟؟ ولد عمي وش قايل
ملاك:يعني ماتدري!!؟
فيصل: ملاك والله مدري عنه شقايل قولي انتي شقال
ملاك: قالت لفيصل كلام خالد عنها
فيصل: ماعليك منه والله انا ماقلتله شي وربي ان الكلام هذا من راسه انا ماقلت شي له
ملاك:فيصل لاتحلف عيب تحط اسم ربي بكذباتك ولد عمك قالها اشياء انا انصدمت شلوون يعرفها وبعدين انا ارسلت الصوره لك ما أرسلتها لولد عمك
فيصل : ملاك خليني ادق عليه اشوف شسالفته
ملاك:ليش تتعب نفسك مارح يتغير شي وانا الحين ماعاد ابي منك شي الا تنسى انك عرفتني اوكي
فيصل عصب منها وقفل الخط بوجهها
وراح دق على خالد وخالد انكر انه قال شي وقال انا ماكلمت مرام من اسبوع مرام كذاابه بعدين مرام تقول أنها تبي ملاك تقطع علاقتها فيك
شوي فيصل يدق على ملاك ويقولها مراام تكذب عليك هي قالت لخالد ما ابي ملاك تكلم فيصل تبي تفرقنا ملاك لاتسمعين كلامها
ملاك:حبيبي مراام ماتكذب اساسا الكلام اللي قاله خالد مراام ماتعرف تقوله
فيصل:ملاك وامي الغاليه ماقلت عنك شي وربي ماتكلمت عليك
(ملاك حست بدموعها بتنزل وسكرت من فيصل
بعد العشاء ملاك ارسلت لفيصل:
الله على اللي ينكر الطيب
الذنب مو ذنبك يافيصل الذنب ذنبي عاشرت ذيب...
بعد ساعتين تجيها رساله منه يقول:
اسمعي يابنت الناس انا والله ماقلت عنك شي واللي قايلك هالكلام انا اعرف شلون اتصرف معه
خالد يومها دق على مرام وقالها : توقعتك اكبر من كذا ليش قلتي لملاك عن السالفه وانا قايلك لاتدري
مرام :أنا ماتعودت اخبي عنها بعدين هي تفهمني اذا فيني شي شلون ماتبيني اقولها
خالد : ارتحتي الحين انا وفيصل الحين مانتكلم مع بعض وسكر منها
فيصل صار يرسل لمرام يقولها انه حطها براسه ومارح يخليها وبيفضحها عند خالاتها لانه يعرف رقم ام ريم وام ملاك ويقول بيدق يعلمهم بفضايح بنت اختهم اللي هي مراام هي خافت ودقت على ملاك تقولها تصرفي معه وكانت تبكي ملاك وقتها رحمتها وقالتلها صدقيني مارح يسوي شي بس هو منقهر منك وبعدين بيهدا وبيعرف انه غلطان بس هي ماسمعت كلام ملاك
فيصل دق على ملاك وقالها أنا بثبت لك انها تكذب واذا اثبتلك هذي البنت ماعاد تكلمينها
ملاك : ليش انهبلت انا بكذبها واصدقك
ومن بكره ارسلت له:
راح عمرك بالغدر والكذب وعمري اللي معك راح ياخساره ضاع فيك
فيصل مارد عليها......
الساعه2الظهر دقت خالت ملاك تقول انهم بيطلعون منتزه وقالت لها تعالي معنا انا وخواتك بنجتمع
ملاك لما اعرفت زعلت لانها بتشووف مراام وهي زعلانه منها
بالمنتزه،،،،،،،
مرام سلمت على ملاك بدوون نفس وبان ان فيهم شي راحوا بعيد عن الحريم عشان مايحسون ان فيه شي بينهم
ملاك:مرام انا مدري شقولك بس انتي اسمعيني وصدقي كلامي
مرام قاطعتها:مابي اسمع منك شي بس حلي الموضوع زي ماخربتيه ليش تقولين لفيصل
ملاك: يعني تتوقعين راح أقدر أمثل اني ما أعرف شي خلاص بدق عليه أتفاهم معه
(ملاك لحظتها دقت على فيصل وقالت له لا تدخل مرام بالموضوع هي مالها دخل
فيصل :هي تكذب عليك وانتي مصدقتها وانا مارح اطلعها من الموضوع بعدين انا الحين مشغول بعدين اكلمك نتفاهم
ملاك : اوكي
(ملاك حست انها ذلت نفسها له بس ما اهتمت عشان مرام طنشت)
ريم وقتها قالت لملاك:امس دق علي وقال انا لو ابي العب على ملاك كنت هددتها بالصوره وخليتها تطلع معي
بس ملاك ما اهتمت لكلام ريم
(رجعوا البيت وفيصل مادق على ملاك
والساعه اربع الفجر جتها رساله منه يقول :
أسمعي لاتحاولين تطلعين مرام من السالفه ان ماخليتها تكلم نفسها بس تصبر علي هي
ردت ملاك له تقول:
اوكي تامر امر
(ملاك لما جت بتنام ماقدرت وصارت تبكي بقوه لدرجة ان عيونها انتفخت من البكاء شوي تجيها رسالة وسائط كلها حب من مين؟؟من فيصل استغربت وراحت دقت عليه)
ملاك: الوو فيصل
فيصل: هلا ملاك
ملاك:فيصل وش ذا الرساله
فيصل يتنهد وضايق:مدري يمكن جت بالغلط
ملاك: اكيد جت بالغلط مويمكن
وصار يعاتبها لأنها ظلمته وهي ولا كأنها تسمع منه شي
ملاك بهالمكالمه طلبت من فيصل رقم خالد فيصل رفض يعطيها بالاول بعدين عطاها الرقم
انهت المكالمه على اساس انها بتدق على خالد بكره.....
(ملاك كان بنفسها تقوله ليش كل هذا تسويه فيني هذا جزاة الحب اللي عطيتك اياه قولي وش شفت مني عشان تحطمني بهالشكل) فكرت بكلام كثير تعاتب فيه حبيبها بس كابرت للاخير وخلت فيصل يحس انها لاحبته ولاشي
وانهت المكالمه معه على اصرارها انها مارح ترجعله مره ثانيه انسدحت على السرير الا وتجيها وسائط من فيصل وكانت الرساله تبين حزنه وتعبه وهي حست هالشي من كلامه وكابرت بس حنت وبكت ....بكت عشاانه اللي حبته من قلبها ودعت ربها انه يساعدها تتعدى هالمرحله وتقدر تنساه
من بكره ملاك دقت على خالد وكان الوقت تقريبا 11بالليل
خالد:الوو
ملاك:السلام خالد
خالد:عليكم السلام معك خالدمن معي
ملاك:انا ملاك ممكن تقولي الحين انت ليه قلت لفيصل انك ماقلت شي لمرام والكلام من تأليف مرام وانت طلعت نفسك منها؟؟؟
خالد:انا صح تكلمت بس انا ماقلت اللي قالتلك مرام هي فهمتني غلط وقالتلك الكلام حسب فهمها وهذا مو ذنبي
ملاك:انا الحين هالشي مايهمني اللي ابيه انك تدق على فيصل وتقوله الكلام اللي قلته لي عشان لايقعد يهدد بمرام
خالد:فيصل يهددها..؟ كلام بس كلام
ملاك: أنا داريه انه كلام بس مرام ماتدري
خالد: خلاص انا بكلم مرام وبقولها تتطمن لان فيصل مارح يسوي شي
ملاك:ودق على فيصل وقله انا متكلم مرام ماخرفت الحكي من راسها
خالد:انشالله
دق خالد على فيصل ودق على مرام يطمنها
(دقايق يدق فيصل على ملاك)
ملاك:الووو
فيصل: السلام
ملاك:عليكم السلام
فيصل: انتي شقلتي لخالد
ملاك:اعتققد انه دق عليك وعلمك شقلتله
فيصل:هو يقول انك تقولين فيصل بس يتكلم
ملاك:تشهق هييي الحين انا اللي قلت كذا والا هو؟؟وربي هو اللي قالها وأنا قلت ادري انه بس يتكلم بس انا اقصد اني ما اتوقع انك بتسوي للبنت شي لانك مارح تستفيد
فيصل:بالعكس راح استفيد كثير
ملاك:طيب براحتك
فيصل :ملاك ابي اسألك وجاوبيني بصراااحه انتي تحبيني
ملاك سكتت هي تحبه موت بس ماتبي تقوله وقالت له:انا اول كنت اظن اني احبك بس الحين اكتشفت العكس
(يمكن حست انها تبي تجرحه مثل ماجرحها)
فيصل :اجل اللي بيننا ماكان حب ياملاك
ملاك:ممكن ليه لا
وسكرت منه
(جلست تفكر فيه وانها يمكن جرحته حز بنفسها هالشي لانه حبيبها ارسلتله:
فيصل يمكن انا ظلمتك وجرحتك بس لايغرك كلامي انا اللي احط له مكان بقلبي مايبعده عن هالمكان الا مووتي
بالليل ملاك نايمه تجيها رساله من فيصل:
قرتها لقتها رسالة عتب
وردت عليه:
بكيت من القدر وش عاد اسوي نويت الصبر وخانتني دموعي
رد عليها:
والله فقدتك حيل يا اعز الاصحاب
عساك تسعد بالفرح والتهاني
يقولها قلبن عن الحب ماتاب
واللي بقلبي لك يقوله لساني
ماغيرتني دنيتي يا اوفا الاحباب
مخلص ولا لي بالبشر وجه ثاني
ردت عليه:
ابي اغفى على صدرك دقايق
لو قلتلي وش فيك بكيت وقلت محتاجك ابيك
رد عليها:
متى تردين وترد الاماني
متى تردين وترد الاغاني
متى نكتب سوى احلى قصيده تعبت كثير من عد الثواني،،،
(بعد هالرساله ملاك حست انها راح تبكي حبست دموعها ونامت وماردت عليه)
من بكره بالليل فيصل ارسل لملاك رساله وهي ماردت
بعد الرساله بساعه تقريبا دق عليها وردت
ملاك: الوو
فيصل:هلا ملاك
ملاك:اهلين
لحظة سكووت....
فيصل:تدرين انك وحشتيني
ملاك ساكته........
فيصل:تدرين اني أحبك
ماردت ملاك وفيصل قعد يتكلم عنها وعن ايامه معها وقال اني دقيت على ريم اشكيلها حالي
ملاك حست انه مو طبيعي سألته:فيصل شفيك انت مو صاحي؟؟كنت تشرب؟!
فيصل:تبين الصراحه <<سكرااان>>ابي انسا ايامك ابي انسا سوالفك ماقدرت تدرين اني ماتعشيت اليوم بسبتك واني ماداومت يومين بسبتك
ملاك رحمته وحست لو انها عنده ضمته بس بعد كابرت وقالت بكل بروود اهاا
فيصل :ملاك انا احبك
ملاك:طيب؟؟!!
قعدوا يعاتبون بعض بدوون فايده لان ملاك عندت خلاص المشكله انها مو قادره تتخلص من حبه
فيصل لما جاء يسكر قال:ملاك فيه شي نسيت اسويه
ملاك :شنو
فيصل:اموااااااااااح
ملاك استحت وبنفسها قالت يالبا قلبك بس قالت لفيصل اوكي باااي
(فرحت بهالبوسه لانها اشتاقت له كثييير
فيصل سكر على اساس انه بينام
من بكره ملاك دقة على فيصل
ملاك:الووو فيصل اخبارك
فيصل :هلا ملاك تمام اخبارك انتي
ملاك:الحمدلله مشغوول
فيصل :والله يعني ليه
ملاك:ابي اقولك كلمتين كذا برواقه
فيصل :اوكي اذا رجعت من الاستراحه اكلمك
انتظرت ملاك فيصل يدق ولادق عليها اخذت جوالها وارسلت:
فيصل أبي اقولك انا مافيه بقلبي عليك شي وياريت تشيل اللي بقلبك علي الله يحفظك وتتزوج البنت اللي بتسعدك باااي
نص ساعه الا فيصل يدق على ملاك
ملاك:هلا
فيصل:اهلين شخبارك
ملاك:تمام
فيصل: ملاك سمعيني
ملاك:شسمعك؟؟
فيصل: الكلام اللي ارسلتيه
ملاك:أنت قريته؟؟
فيصل:إيه بس ابي اسمعه منك
ملاك:انا قلت اني مو زعلانه منك
فيصل :يالبا قلبك
ملاك:........
فيصل صار يسولف عن البنات يبي يقهر ملاك بس ملاك ماتحرك فيها ساكن وهو استغرب لأن غيرت ملاك عليه مجنوونه بس قال يمكن فيها زعل لين الحين
رجع فيصل يدق على ملاك بس ملاك تغيرت ماعادت مثل اول صارت مشااعرها بارده ماتعطيه وجه ابد وهو حاول يتحملها بس ماقدر وصار يتهاوش معها وهي ترد عليه بكل بروود هي كانت تقصد هالشي عشان يرتفع ضغطه وفعلا كان يعصب منها ويرووح يدق على ريم يشتكيلها وبعدين صار يقول لريم اذا ماعدلت اسلوبها بعرف اخليها تعدله هو بباله ان ملاك ماتدري انه يكلم ريم بس ليش كان يقولها هالكلام ما ادري هي كان محيرها هالشي المهم فيصل كل مايدق على ملاك يعصب من اسلوبها ويزعل وبعدها يرجع يدق ويسألها وشفيها كذا وهي تقول مافيني شي هذا اسلوبي وياخذله وقت ويدق عليها ولاتعطيه وجه ويعصب ويزعل بعدين يرجع يدق مره ثانيه
مره دق عليها وكانت راح تطلع
ملاك:الووو
فيصل هلا اخبارك
ملاك بدوون نفس تماام فيصل انا الحين طالعه يالله اخوي ينتظرني
فيصل:بتطلعين بدوون ماتقولين لي
(ملاك كانت متعوده اذا بتطلع تدق على فيصل تقوله انها بتروووح اذا مارد ترسله رساله تعلمه يعني ماتطلع بدون مايدري)
ملاك:هذاك عرفت الحين
فيصل :لا والله
ملاك:ايه والله <<<تتريق
فيصل:ملاك شفيك علي
ملاك: بقولك شفيني بس بكره مو اليوم انزين باااي
فيصل :: باااي
وقالت لريم انها راح تقوله انه يكلمك وانها عارفه من زمان ان انتي تكلمينه ريم قالت اوكي
من بكره فيصل دق على ملاك وسألها عن اللي مضايقها منه:؟؟
ملاك:تدري يافيصل انا عارفه انك تكلم ريم من متى
فيصل:ايوه وكان يقولها مصدووم
ملاك:من زمان وساكته عشان اشوف آخرتها معك
فيصل:ملاك ماكلمتها
ملاك:هي اللي قالت
فيصل: ملاك اقولك ماكلمتها تكذب عليك
ملاك عصبت : يوووه بسك كذب طفشتني انا ماجيت اسألك تكلمها والا لا انا قلتلك عشان ماعاد تسألني ليش تغيرت عليك
انا مليت منك فيصل بس تكذب وهذا اللي ماخذته منك كنت اتمنى ان النهايه بيننا تكوون احسن من كذا بس للأسف ويالله مع السلامه
فيصل ::ملاك
ملاك:سكرت الخط
فيصل ماعاد دق عليها لانه ماعاد له وجه يكلمها وعرف انه خسر انساانه حبته من قلبها خسرها بفعايله
بعد فتره ارسل لها فيديو لأغنية وحشني صوتك بقوه ولا ردت عليه
بعد فتره ارسل لها وسائط كلها حب واشتاقت له
بس تذكرت جرحه لها وارسلت له اغنية استاذ الخيانه وكتبت غلطتي ارخصت نفسي يوم اضويتك بشمسي
مرت ايام ملاك وكل يووم تضعف نفسيتها اكثر من اول لأنها خسرت الحب الاول لها
وكانت محتاجه لفيصل جنبها وتكاابر وتكاابر
فيصل حاول يتصل فيها بس هي غيرت رقمها وماعرف يوصلها الا عن طريق ريم
اخذ رقمها من ريم
ريم عطته الرقم لان ملاك كانت محتااجه فيصل وريم حاسه فيها بس فيصل مادق على طول كان خايف من ردة فعل ملاك
(ملاك تعبت نفسيتها لدرجة ان أهلها لاحظوا هالشي اقترح أبوها أنهم يسافرون ويغيرون جو منها تتعدل نفسية ملاك البنت تعبانه ومحتاجه تغيير جو
قالوا بيروحون ياخذون عمره وبعدها يروحون جده والطايف
أخذوا العمره وبالحرم ملاك دعت ربها تتعدى أزمتها ودعت لفيصل بعد راحوا جده وللطايف وملاك الحمدلله صارت أحسن من أول بكثير
وهم راجعين الرياض صار لهم حادث أهلها كلهم صارت فيهم اصابات وكسور وأخوها الصغير صار معاق نقلوهم لمدينة الملك فهد الطبيه لأن ملاك وأخوها حالتهم خطيره أخوها بغيبوبه وملاك سووا لها عمليه مستعجله ودخلوها العنايه
ريم لما عرفت الخبر صارت تبكي عليهم وقالت لازم أقول لفيصل عشان يكون جنب ملاك
دقت على فيصل وهي تبكي
فيصل :ألوو
ريم :فيصل ملاك يافيصل
فيصل :ريم ليش تبكين شفيها ملاك
ريم قالت لفيصل شصار وقالتله هي بأي مستشفى
فيصل قعد يبكي :تكفين ريم شوفيلي متى راح تكون لحالها الله يخليك أبي أشوفها
ريم:طيب بدق على خالتي أسألها
ريم عرفت ان ملاك راح تكون لحالها بعد المغرب لأن وقت الزياره بالعنايه ساعه بس ريم ماقالت لفيصل أنها بالعنايه قالتله أن بعد المغرب مارح يكون عندها أحد
راح فيصل للمستشفى وسأل بالرسبشن عن اسمها وقالوا له انها بالعنايه المركزه بالدور الثاني يمين
فيصل ما استوعب بالعنايه المركزه وراح ورجلينه ماتشيله صار يمشي بصعووبه خاف يشوفها صار كل تفكيره بملاك وان حبيبته بترووح وتخليه وصل للدور الثاني وصار يدور بالاسياب شاف ممرضه واقفه وسألها عن ملاك وقالت له انت مين قال قريبها الممرضه شكت فيه وقالت اسفه ما اقدر اعطيك معلومات عن مريضه انت مو محرم لها
فيصل وقتها قعد يبكي وقالها تكفين الله يخليك انا احبها والله احبها تكفين ابي اشوفها
الممرضه رحمته وقالت خلاص بدخلك بس لاصار شي انت ماتعرفني
فيصل وافق على طول
يوم شافها ماصدق وصار يصارخ
فيصل: ملاك حبيبتي أسمعيني انا فيصل قومي معي لاتخليني وكان يبكي بقوه ومو حاس بنفسه
ملاك حست فيه وحركت يدها ومسكت يده فتحت عيونها وابتسمت وفيصل نزل راسه عندها وقال حبيبتي قومي معي عشان أنا بخطبك من أهلك
ملاك :حطت يدها على خده وقالت فيصل حبيبي تأكد اني ماحبيت غيرك وأن مت حبك مايموت بقلبي فيصل أحبك وغمضت عيوونها
فيصل صرخ وقعد يبكي عندها انتي قلتي عمرك ماتتركيني ملاك خليك معي ملاك...
جو الممرضات والدكتور لقا نبضها موقف سوالها صدمات بالكهربا بس مافي فايده وسحبوا فيصل من عندها بالقوة وطلعوه برا وغطوها
جو اهلها وما اانتبهوا لفيصل ولوجوده قريب من ملاك
وحضر معهم الدفن وجاء عزااها والحقيقه كان يعزي نفسه لأنه كان حاس ان ملاك توفت وهي ماعرفت شكثر فيصل حبها وهالشي كان بيذبحه
(بعد يومين من وفاة ملاك دق رقم غريب على فيصل لما رد
فيصل:الوو
المتصل:مرحبا اخوي انت فيصل ال......
فيصل :اي نعم من معي
المتصل:انا ممرضه وكنت اشرف على حالة ملاك وهي كانت حاسة انها راح تموت وطلبت مني اوصلك رسالة ممكن تجي المستشفى تاخذها
فيصل :تذكر ملاك وغرقت عيونه دموع وقالها:حاضر اختي متى تبين اجي
الممرضه: اذا ماعليك امر تجي بعد صلاة العصر اوكي
فيصل:اوكي مع السلامه
الممرضه: مع السلامه
(راح فيصل للمستشفى بنفس الموعد وتقابلوا واخذ منها الرساله وشكرها ورجع البيت)
بعد مارجع البيت كان خايف يقرااها وحط الرساله بالدرج عند سريره ونام ولا صحى الا الساعه 10بالليل نزل المطبخ وقال لامه تحط له شي ياكل امه لاحظت عليه انه متغير وناحف ولاعاد يطلع مثل اول
ام فيصل:شفيك ياولدي
فيصل:مافيني شي يمه
ام فيصل:حالتك ميب عاجبتني هالايام وبعدين رجعت تدخن وبزياده بعد قلي وانا امك وش صاير معك
(فيصل تذكر ملاك يومها تنصحه يترك الدخاان وشلوون ساعدته لين تركه وراح الغرفه لان خاف يبكي قدام امه)
بالغرفه فتح الدرج اللي حاط فيه الرساله وطلعها بيقراها مكتوب فيها:،،،،
عشيقي فيصل بكره يمكن اموت مابي اشوف في عينك دموع ابي اسمع ضحكتك تضوي الوجود وانا بالكفن تحت الارض مدفونه
وهذي وصاتي..... والقدر علي مكتوب...
تكفى تذكرني وتذكر انك دوووم كنت لي اعز انسااااان اعز واغلا انسااااان
محبتك حتى الموت:ملاك
بعد ماقرا الرساله طلع من البيت وقعد يدووور بالشوارع مايدري وين يرووح وحس انه عطشاان وراح البقاله وهو نازل كان سرحان ما انتبه جت سياره واصدمته واغمى عليه ودوه المستشفى وصار عنده بس كسر برجله دق على صديقه محمد وجا اخذه وداه البيت
فيصل:مشكور حمود تعبتك
محمد:شدعوه فصول حنا اخوان واكثر بعدين تعبك راحه
محمد رجع يجيب سيارت فيصل
أم فيصل دخلت عليه بالمجلس
ام فيصل:فيصل حبيبي شفيك
فيصل:يمه مافيني شي حادث بسيط الحمدلله بس كسر مو شي ثاني
ام فيصل:ياولدي قلي وشفيك هالايام منت على بعضك مو طبيعي شف جسمك شلون صار ودايم سرحان حتى دوامك اهملته وشفيك
فيصل:يمه مافيني شي بس فيه واحد اعرفه وكان قريب مني مره وتوفا عشان كذا بس اوعدك يمه حالي بيتعدل عشانك وعشانه
امه طلعت من الغرفه عشان يرتاح بعد ماتطمنت عليه
بعد هالشي قرر يعيش حيااته على ذكرى ملاك ولايحب بعد لأن برايه الحب راح مع روحت ملاك.....
انتهت القصه
<<<القصه غير واقعيه>>>[/COLOR]
&وتقبلوا تحيتي&الكـــــآتبـه : شموخ عزي
http://up4.m5zn.com/9bjndthcm6y53q1w0kvpz47xgs82rf/2009/9/26/09/nb8lgy8d8.gif (http://games.m5zn.com/)
كل عام وانتو بخير هذي قصه كاتبتها انا واتمنى تقيموني عليها
يالله اترككم مع القصه
(رحلت انت وتركت لخاطري طيفك وصبرن طال غدت ذكراك شمس ماتغيب وصورتك ظلي)
ملاك&فيصل
ابطال القصه;
ملاك 18سنه توها مخلصه الثانوي بنسبه عاليه.عايشه حياتها بكل معانيها تحب الاستهبال والضحك نعوومه ودلووعه في بيتها.الاهم بالنسبه لها راشد الماجد تعشق كل اغانيه عندها اربع اخوان وخواتها ثنتين كلهم اكبر منها
ريم15سنه ناجحه لثالث متوسط بنت تعتبر ملتزمه بدينها بس تجيها لفات احيانا.
مرام22سنه جالسه بالبيت نشيطه تعصب بسرعه واكثر شي تعصب منه ملاك....
المهم ملاك وريم ومرام بنات خالات يعني امهاتهم خوات للي مايفم يعني...
فيصل:26سنه ممرض كان متزوج وطلق زوجته عنده منها (ليااان)3سنوات....
بداية القصة برمضان لما جت ريم وقالت لملاك انا تعرفت على واحد طبعا ملاك انصدمت...
ملاك:يالدوبا شلووون
ريم: هو ارسلي وسائط عاد انا دقيت على رقمه باشوف مين
قاطعتها ملاك:وليش تدقين يامجنوونه؟؟
ريم:كذا طفشت دقيت
ملاك ايوه بعدين شصار
ريم:بس وصرت اكلمه اسمه فيصل وعمره 26يشتغل ممرض
طبعا ملاك انقهرت كانت اول تكلم بس قطعت علاقتها باللي كانت تكلمه طبعا دايم تنصح ريم عشان كانت خايفه انها تكلم لانها توها صغيره وبنفس الوقت ملتزمه
مرت الايام على ريم مع فيصل يكلمها كل يووم ومره كان الفطوور ببيت مرام وكان جوال ريم مقطوع وتبي تكلم فيصل عشان ملاك ومرام تبي تسمعهم صوته
ملاك قالت لريم: خذي جوالي دقي منه
ريم اخذت جوالها دقت لقت مقفل
حاولت كثير لأن ملاك كانت خايفه انه يرجع يدق عليها وكل مره تلقاه مقفل
ملاك: خلاص بكره لادق بقوله يدق عليك.
ريم: اوكي واذا مادق؟؟
ملاك: اكيد بيدق لاشاف كل هالمكالمات
جاء بكره العصر وملاك تنتظر فيصل يدق عليها مادق بعد المغرب قالوا خواتها انهم بيروحون السوق وملاك خافت يدق وهي بالسوق وماتقدر تقوله شي ودقت على ريم
ريم: هلا ملووكه وش عندك
ملاك: وش عندي بعد الا القلق حقك مادق وانا برووح السوق بعد العشاء
ريم: طيب دقي عليه انتي شوفي يمكن فتحه!؟
ملاك: طيب بحاول
ملاك دقة عليه بس مافيه فايده كله مقفل
بعد دقايق يرن جوال ملاك الا وتلقاه فيصل عاد ردت عليه
ملاك:هلا
فيصل:اهلين مين معي؟؟؟؟
ملاك: سوري عالازعاج انا بنت خالت ريم امس كانت تدق عليك وانت مقفل رقمك وقالت لي اقولك تدق عليها
فيصل: اوكي باااي
ملاك باي
دقايق ويرن جوال ملاك
ملاك : هذا فيصل شيبي بعد؟؟
ردت : هلا
فيصل :هلابك معليش بس ريم ماترد
ملاك تصارخ : ماترد اف منها خلاص الحين ادق عليها اشوف شفيها
فيصل : اوكي بااي
ملاك باي
ملاك دقت على ريم وريم ماردت انقهرت منها ورجعت تدق عليه
ملاك السلام
فيصل هلا عليكم السلام هاه شصار معك
ملاك: ماترد
فيصل : يعني
ملاك : بصوت عالي مشكلتها
فيصل : هههههه حلوه مشكلتها
ملاك حست انه يتميلح و ماعجبها قالت
: إيه مشكلتها اذا تبي بتدق عليك اهي اوكي باااي
فيصل : طيب شفيك معصبه
ملاك: مو معصبه بس انا الحين بطلع السوق مستعجله باااي
فيصل يضحك : باااي
سكر فيصل منها وحس انه ارتاح للبنت وفكر فيها......
وبيووم المغرب يرن الجرس ببيت ريم
علي اخو ريم:مين
....افتح انا مشااعل بنت جيرانكم.
بما ان علي صغير فتحلها الباب ودخلها وراح يقول لريم طلعت لها ريم وسلمت عليها
ريم:شعوووله هلا والله كيفك
مشاعل:تمام انتي كيفك
ريم:عايشه وش اخبار حركات الدجه معك
(مشاعل كان من البنات اللي يكلموون كثير ويطلعوون يعني مايخافون من احد والأردى انها ماعندها جوال وتكلم من جوال ريم)
مشااعل:والله مدري متى بتوب من هالحركات اللي ماتودي ولاتجيب
ريم:تعالي معي الغرفه عندي لك سالفه وسحبتها بسررعه لغرفتها
مشاعل:يالخبله شوي شوي علي
ريم علمت مشااعل سالفة فيصل بالتفصيل مشاعل:دقي عليه ابي اسمع
ريم ماصدقت خبر ودقت
ريم:السلام عليكم
فيصل:عليكم السلام هلا والله بهالصوت
ريم:اخبارك
فيصل:الحمدلله طمنيني عنك؟؟
ريم:والله انا بخير
فيصل:غريبه داقه موبعادتك العاده انا اللي ادق عليك والا اشتقتيلي
ريم استحت: مدري!!
قعدوا يتكلمون مع بعض شوي إلا مشااعل ناطه بوجه ريم
مشاعل:ريم عطيني بكلمه
ريم:فيصل هذي بنت جيراننا تبي تكلمك وعطتها الجوال
مشااعل:مرحبا
فيصل:اهلين؟؟؟طبعا بنفسه يقول(وشتبي ذي)
مشااعل سلمت على فيصل ورجعت الجوال لريم :الوووفيصل
فيصل:هلا ريم ريمو اخليك حياتي مع بنت جيرانكم الحين انا مشغول بعدين اكلمك
ريم:اوكي بااي
فيصل: باااي
مشاعل:ريم هذا يلعب عليك هذا يوسف اللي كنت اكلمه تذكرتيه
ريم :تستهبلين علي انتي؟
مشااعل : لاوالله بس نفس صوته عشان كذا قلتلك ابي اكلمه عشان أتأكد وتاكدت هذا يوسف مو فيصل وقالت اذا دق عطيني اكلمه بعد ساعتين يرن جوال ريم شافته لقته فيصل عطت مشاعل ترد
مشاعل: الوو
فيصل: هلا ريم؟؟؟
مشاعل : لا أنا مشاعل يايوسف
فيصل : اي يوسف ههههههه اقول عطيني ريم
مشاعل اتنرفزت منه وصارت تسب فيه وبأهله وريم تسمعها واكيد ساكته
فيصل: رد على مشاعل بنفس اسلوبها
وقالهاا أنتي ماتهميني المهم ريم وراح اوريك من انا وقعد يهددها ولأن مشاعل ماتخاف قالتله اللي ماتطوله بيدينك واصله برجولك وسكرت منه
فيصل صار لما يدق على ريم بس يهدد بمشااعل ويقولها لوماتركتي ذا البنت راح تصيرين زيها وراح يحتقروونك كل هالناس وتصيرين متعه للشباب ودايم ينصحها تبعد عن مشاعل وريم مطنشته
بيوووم من الايام كان شوي وبيذن الفجر يدق فيصل على ملاك
فيصل : مرحبا ملاك كيفك
ملاك:تمام انت كيفك
فيصل: الحمدلله
لحظة سكووت..........
ملاك:آمر يافيصل شلوون اخدمك؟؟
فيصل : مدري شلون ابدا معك بس ابيك تكونين واسطه بيني وبين ريم
ملاك : كيف؟؟؟؟
فيصل:اقصد ابيك تقربينها لي ونبعدها انا وانتي عن مشاعل لأنها بتضيعها
ملاك: بس انا وانت مارح نستفيد لان كلامنا عندها بيصير ماله معنا وريم عارفه كل بلاوي مشاعل وراضيه بمعرفتها شلوون اجي اقولها أبعدي عنها كذا بعدين من يومهم صغار مع بعض شلوون نبعدهم الحين وهم كبار
فيصل: مدري بس انا خايف عليها
ملاك : انا معك بكلامك بس صدقني مهما حاولنا مارح نقدر لين ريم بنفسها تشوف موقف من مشاعل يبعدهم عن بعض
فيصل : طيب ملاك شكرا انك سمعتيني اخليك الحين باااي
ملاك بااي
ريم صارت بينها وبين فيصل مشااكل تدخل فيها واحد تعرفه مشااعل اسمه محمد تقوول انه قوي وإنه نص شباب الرياض يعرفونه ويخافون منه ومشاعل قالت لريم تحول مكالماتها عليه بالأول ريم رفضت بس مشاعل قالتلها اذا ماحولتيهن اخاف هذا يسوي اللي قاعد يقوله وينشر صوري اللي يقول انها عنده خليه يفزع لك ياهبله...
حولت ريم المكالمات عند انشغال الخط لمحمد العشا يدق فيصل على ريم ريم حولت المكالمه
ماقعدت دقايق إلا يدق عليها محمد
ريم: هلا
محمد: هلا ريم شخبارك؟؟
ريم : تمام انت اخبارك
محمد : الحمدلله اقولك ترى فيصل الحين قفل جواله اذا كلمته مره ثاانيه اتفاهم معه واعلمك
ريم:طيب يعطيك العافيه
محمد: الله يعافيك
بالليل دق فيصل على ريم بس ماحولته هالمره كان يعاتبها عشان حولت جوالها على محمد وزعلان منها وهي ما اهتمت
فيصل ماعاد دق على ريم بعد كذا بس صار محمد هو اللي يدق عليها مسوي بودي قارد لها وبنفس الوقت يتميلح عندها وهي مسايرته تشوف شآخرتها معه...
مره اجتمعوا البنات(ريم-ملاك-مرام) ببيت جدهم
ريم:بدق على محمد
ملاك:أقول إنتي وياهذا رامبو
مرام:ههههه حلوه منك ملووكه
ملاك:تزوجيها هاهاهاهاااااي
الكل:ههههه
ريم دقت على محمد
محمد:هلا ريم
ريم :هلا بك أخبارك
محمد :تمام أنتي
ريم:الحمدلله حبيت أشكرك محمد على موقفك معي
محمد:لاعادي أنا بخدمتك أنتي آمري بس
(ملاك كانت تسمعه ووقتها قالت لريم بصوت خفيف مالت عليك أنتي وياه)
ريم:جتها ضحكه وقالت تسلم
محمد:والله لوتشوفيني بالدباب مهجول أنا والشباب بالتحليه
ريم : ههه
محمد:تسلملي هالضحكه
ريم استحت: أوكي محمد أخليك مع دباباتك ياحظكم فالينها مهب زينا
محمد:أوكي بآآي
~¤~¤~¤~¤~¤~¤~
المهم راح رمضاان وجاء العيد ومحمد ماصار يدق على ريم وفيصل رجع يدق عليها ريم ولا كانه صار شي ونفس الوقت كان مهم عنده يبعد ريم عن مشاعل كانت علاقتهم أخوه بس وطبعا ايام العيد الخوات كلهم يجتمعون ببيت ابوهم يعني جد ريم وملاك ومرام
فيصل يدق على ريم
ريم: هلا والله
فيصل : هلابك كيفك
ريم: تمام الحمدلله شخبارك
فيصل : والله بخير كل عام وانتي بخير
ريم : وانت بخير وصحه وسلامه
فيصل : هاه كيف العيد معك انشالله مبسوطه
ريم : ايه والله اليوم الاول طلعنا لجيراننا اليوم ببيت جدي وبنقعد لين الرابع وانتم
فيصل : حنا والله هذاهم كل يوم عشا عند احد.
ريم:فيصل شوي وراجعه خذ ملاك كلمها لين اجي
تعطي الجوال ملاك,,,,
ملاك: خييييير
ريم : كلميه لين ارجع
ملاك : من قال اني بكلمه
ريم : يالله حبيبتي بس شوي
ملاك : ياربي منك
ملاك تاخذ الجوال : الوو
فيصل : هلاوالله ( فيصل تذكر هذي بنت خالتها المصرقعه )
ملاك:هلابك شخبارك
فيصل :تمام كل سنه وانتي طيبه
ملاك :وانت طيب
ماطولوا شوي وجت ريم وكلمته
فيصل : والله بنت خالتك هذي زاحفه رهيبه
ريم : تبيها؟؟؟
فيصل : ايه والله ابيها من زمان بعد
ريم : اوكي بقولها اشوف شبتقول
فيصل : إيه تكفين قوليلهاترى انا مفكر فيها من اول بس ماعرفت شلوون اقولك
ريم : عآدي كان قلتلي
فيصل : أوكي قوليلها وردي علي
ريم : اوكي بااي
فيصل :باااي
ريم راحت لملاك وقالتلها عن فيصل ملاك قالت مابيه وش ابي فيه فاضيه انا ينشبلي
ريم حاولت تقنعها بس هي كانت رافضه
وكلمت فيصل
فيصل : هلا ريم هاه بشري
ريم : وش ابشر حاولت فيها بس ماتبي
فيصل : خسآره انزين يالله تبين شي
ريم : سلامتك
فيصل زين اخليك بنروح عند عمي العشاء بااي
ريم : بااي
ثالث يوم بالعيد
فيص يدق على ريم
ريم : هلا فيصل
فيصل: أهلين شخبارك
ريم: تمام
فيصل : ريم لين الحين تكلمين مشااعل
ريم : أيه لين بكره
فيصل : ريم مشااعل دقت علي وقالتلي كلام عنك
ريم : بالله!!! وش قالت
فيصل : قالت انك وحده بايخه واني لازم اتركك
ريم: لا تستهبل علي مشاعل ماتقول عني كذا
فيصل : اقولك داقه علي وقعد يصرخ عليها
ريم خافت منه وبكت وعطت السماعه لملاك
ملاك :فيصل شقايل لريم
فيصل : شفيها تبكي؟؟
ملاك ايه انت شقلتلها
فيصل : قلتلها عن مشاعل داقه علي وقايله كلام ماله داعي عنها
ملاك : ما اتوقع
فيصل : يرفع صوته حتى انتي يعني شلوون ساحرتكم هي
ملاك تضحك : أي سحر يابووو بس هي تعرفها اكثر مني ومنك واذا كانت قايله عنها شي كيفها هي وياها وانت ماعليك منهم
فيصل: شلون ماعلي منهم
ملاك: ايه ماعليك منهم انت شدخلك اصلا كيفها هي تبي تتركها مارح تنتظر احد يجي يقولها خلي مشاعل وريم تعرف سوالفها قبلنا كلنا اوكي لاتزعجها
فيصل حس ان ملاك زودتها شوي وانقهر من اسلوبها بس ملاك قالت احسن ليش يبكي ريم
من بكره فيصل يكلم ريم واعتذر لها ريم كانت بتصلي الفجر وملاك عندها وعطت الجوال ملاك تكلم فيصل لين تخلص....
ملاك:هلا فيصل
فيصل :أهلين ملاك شخبارك
ملاك :تمامو كيفك
فيصل:تمام ممكن أسألك سؤال
ملاك تفضل
فيصل:أنتي عندك علاقه مع أحد يعني تحبين
ملاك:كان فيه علاقه بس الحين لا
فيصل :طيب ممكن أعرف ليش رفضتي علاقتي
ملاك:أنا مارفضتها معك أنا رافضه أكون علاقه ثانيه
فيصل:أهااا أوكي براحتك
خلصت وجت امها وقالت يالله ياريم بنمشي للبيت
ملاك قالت : لا ياريم بتخليني ( تستهبل)
وكانت بتسكر من فيصل
فيصل : دقيقه طيب بقولك شي وبسكر على طوول ولاتقولين لريم اوكي
ملاك : اوكي قول
فيصل : ilove you باااي
ملاك: ؟؟؟باااي
وقامت وضمت ريم وودعتها
من بكره ملاك دقت على ريم بس قالتلها عن كلمت فيصل
بعدها دقت ملاك على فيصل بطلب من ريم
ملاك :السلام
فيصل : عليكم السلام هلا والله شخبارك
ملاك : الحمدلله انت اخبارك
فيصل : تمام هاه شصاير بالدنيا داقه علي
ملاك : ابي اسالك عن يوسف
فيصل : ضاق بعد يوسف انا ما اعرف اساسا يوسف هذا منهو
ملاك : بذمتك انت مو يوسف
فيصل : اقسم لك بالله انا مو يوسف ولا اعرفه
ملاك طيب انا اسفه اذا ازعجتك وبليز لاتقول لريم اني كلمتك
فيصل: أوكي مابقولها اذا ماقلتيلها عن اللي امس قلتلك
ملاك تضحك وقالت: وحده بوحده يعني
فيصل:إيه
ملاك: أوكي مان بآآي
فيصل ضحك : بااي
بعدها فيصل صار يدق على ملاك دائما وماصار يدق على ريم
لأن ملاك أرتاحت لفيصل وهو أرتاحلها كثير ...
مر على علاقتهم شهور وملاك حبت فيصل وكل يوم يزيد حبها له وعطته كل شي تقدر عليه وحست ان فيصل بدا يحبها وبيوم فيصل طلب من ملاك يشوفها ملاك رفضت قالت له ما اقدر قالها مكالمة فديو رفضت وكان رفض ملاك بتحريض من مرام لان مرام ماتوثق بفيصل وخايفه على ملاك منه فيصل حاول بملاك كثير بس ملاك كان رفضها قوي ومره فيصل دق على ملاك وكان الوقت متأخر تقريبا الساعه ثلاث الفجر
ملاك كانت توها بتنام
ملاك : هلا فصول
فيصل :هلا ملووكه صبااح الخير شحالج (يقلد الاماراتيين)
ملاك بالمصري: الحمدلله ازيك انتا عامل ايه
فيصل : تمام ياقلبو نايمه
ملاك : لاتوني منسدحه عالسرير بنام بس مادامك دقيت بقعد معك شوي
فيصل: ملاك الحين برسلك شي تشوفينه وتمسحينه على طول
ملاك: وشو وسائط
فيصل : يس شوفيها وامسحيها انزين واحلفي انك بتمسحينها
ملاك : اوكي والله بمسحها وانتظرت ماجت الرساله كلمها شوي بعدين قالها اخليك تنامين باااي حبيبتي
ملاك: بااي عمري
انتظرت ملاك كثير كانت متحمسه تشوف شمرسلها بس الرساله تأخرت صلت الفجر ونامت
(الساعه 11الصبح ملاك جتها رساله كانت حاطه نغمة الرسايل راح وخلاني لحالي اغنية راشد ولأنها متحمسه قامت على صوت الرساله وفتحتها على طول يوم شافت الرساله طلعت عيونها ماعرفت شتسوي قعدت تقريبا خمس دقايق تناظر فيها تدرون ليه لأنها صورة فيصل هي ماكانت متوقعته يرسلها كان طويل ومره نحيف وجهه طويل كل شي فيه طويل وماذبحنها الا السكسوكه ملامحه تدل على ان عمره 19سنه مره مصغرته)
رجعت تنام العصر دقت على فيصل
فيصل:هلا ياقلبي ملووكه
ملاك: اهلين يارووح ملووكه
فيصل استانس حس انه عجبها
ملاك:يالبا قلبك فصول متأكد ان عمرك 26
فيصل يضحك: ايه بس شكلي اصغر صح
ملاك: اصغر بكثير
وصارت تستهبل عليه كل ماقالها شي قالت توك صغير على هالحركات
فيصل :تدرين ياملاك اللي تقولين عنه صغير كان متزوج وعنده بنت
ملاك بصوت عالي : عندك بنت (هو قالها انه كان متزوج وطلق زوجته بس ماقالها عنده بنت)
ملاك تصارخ: وليش يافيصل ماقلتلي من اول؟؟؟
فيصل: خفت ماتتقبلين الفكره
ملاك:لاياشيخ وتتوقع يوم انك جاي تصدمني بالخبر بكون مستانسه
فيصل : ملاك انا اسف والله خفت تتركيني
ملاك:فيصل انت ماصارحتني بأشياء كثيره بحياتك كل يوم جاي تصدمني بخبر اول شي خبر انك كنت متزوج والحين عندك بنت وبعدين شبتقول
فيصل: ملاك حبيبي لاتزعلين وربي موقصدي ازعلك بس انتي كان لازم تعرفين....
(ملاك هدت اعصابها)
فيصل: الحين برسلك صورتها
(أرسل صورة البنت وقال اسمها لياان )
المهم ملاك من شافت البنت خقت وصارت تصرخ لأنها حبتها وسألته عن عمرها
فيصل: ثلاث سنوات
(ملاك قالت بنفسها حرام تعيش مشتته بين امها وابوها)
ملاك:الله يحفظكم لبعض
فيصل: ملاك ابي صوره لك
ملاك:اوكي بكره اصورلك وارسلها اليوم حدي مشغوله اوكي قلبي
فيصل:اوكي حياتو بااي
ملاك: باااي
من بكره ملاك صورت وارسلت الصوره لفيصل ملاك كانت من السمر المملوحين وكان جسمها حلو قصيره ونحيفه ,,,
فيصل شاف جسمها انهبل ودق عليها يصارخ وش ذا الحلاوه انتي حلوه ولون بشرتك مره جناان
لأن فيصل يقول يحب البنات السمر
ملاك اكيد استانست لانها اعجبته
(وبنفس اليوم ملاك وريم ومرام كانوا بيطلعون لزواج وبعد الزواج بيجتمعوون ببيت وحده من خالاتهم
وبذاك اليوم ريم قالت لملاك ان فيه واحد يزعجها يوم ماعطته وجه ارسلها انا اوريك ياريم وسبها ريم خافت وشكت بفيصل انه هو اللي مرسله
ملاك: بسأله
ريم :لاتسألينه
ملاك عندت ودقت على فيصل تسأله لان بيحز في نفسها اذا كان هو صدق
ملاك:هلا فيصل
فيصل: هلا بقلب فيصل
ملاك : فيصل بسألك بس تجاوبني بصراحه
فيصل:اكيد ياقلبي وهذي يبيلها؟؟
ملاك:فيصل انت معطي احد رقم ريم
فيصل:شقاعده تقولين من قالك انه انا
ملاك:فيصل هذا يعرف اسمها ماحد يعرف اسمها غيرك
فيصل من اللي قال انا... ريم؟؟
ملاك:ريم قالت يمكن فيصل وانا قلت ممكن
(فيصل يومها زعل من ريم ومن ملاك وعصب قعد يهاوش فيها وقال عطيني ريم ريم رفضت تكلمه وبالاخير وافقت)
ريم: ألوو
فيصل: ريم شخبارك
ريم: الحمدلله
فيصل:ريم انتي قلتي انا اللي مرسلك اللي يدق عليك كان هادي عكس يوم يكلم ملاك وهالشي ضايق ملاك
ريم: لا ماقلت هي قالت
ملاك جنبها:يالدوبا لاتكذبين
فيصل: عطيني ملاك
ملاك:الوو
فيصل : ليش تقول انه انتي اللي قايله
ملاك:فيصل والله هي اللي قالت بس يمكن خافت منك وقالت انها انا
فيصل :اوكي انا اوريها اعلمها من انا
ملاك : أنهبلت وقالت خيير وش بتسوي؟؟
فيصل:كل شي بوقته حلو
(ملاك كانت حاسه انه مارح يسوي شي لانها عاشرته وتقريبا وعرفت شلوون يفكر وتعرف إن قلبه طيب)
ملاك: انزين الحين تبي شي
فيصل :لا <<مسوي زعلان
ملاك:براحتك بااي
(ملاك شالت بخاطرها من اسلوب فيصل
الساعه 4الفجر فيصل يدق على ملاك وهي ماترد لانها زعلانه منه
دق كثير وماردت ارسلها
شوفي ملاك لو مارديتي الحين صدقيني مارح تشوفيين رقمي
ملاك خافت لانها تحبه موت ردت بعد مادق
ملاك: نعم
فيصل: ليش ماتردين
ملاك كذا
فيصل :ماتبين تردين
ملاك: إيه مابي ارد
فيصل:والله براحتك مع السلامه
ملاك: ...... ماردت وسكرت بسرعه
الساعه 8قبل لاتنام ارسلتله:
جزاتي اني معك وافي تعذبني بلا اسباب
وانا دايم اشوفك بعيني اغلا احبابي
اثاري هالغلا ضايع اثاري هالوفا كذاب
عطيت وماخذيت الا دموع تسكن اهداابي
بعدها خلت الجوال صامت ونامت بعد ماصحت من النوم لقت مكالمه منه
العشا فيصل يدق على ملاك
ملاك : الوو
فيصل : هلا
(كل واحد منهم ينتظر الثاني يراضيه
ماحد منهم تنازل وتموا هذاك اليوم شايلين على بعض بس ماكملوا تراضوا من بكره
مره فيصل طلب من ملاك تشوف وحده لولد عمه ملاك ضاقت وقالت وانا وش دخلني فيه ادورله وحده يكلمها ما كثر الله الا البنات
فيصل قال انتي قولي لمرام بنت خالتك
ملاك قالت :مرام يمكن ماترضى
فيصل:انتي اساليها وردي علي
ملاك اوكي باااي
وسكرت من فيصل وراحت تدق على مرام وقالتلها السالفه ومرام وافقت وصارت تكلمه اسمه خالد
~¤~¤~¤~¤~¤~¤~
مره فيصل دق على ملاك وكانت بالباص راجعه من الجامعه
ملاك :هلا
فيصل :أهلين شخبارك
ملاك :الحمدلله
فيصل :أنتي بالباص
ملاك:يس ليه
فيصل :أبي أكلمك بموضوع بس بالباص ماينفع
ملاك:أوكي أذا رجعت البيت أكلمك
فيصل:لا أنا بنام الحين
ملاك :أوكي لاصحيت دق
فيصل أوكي باي
ملاك:باي
ملاك انتظرت فيصل مادق ذاك اليوم كله وحتى مايرد على مكالماتها ومن بكره دق عليها وهي رايحه للجامعه
ملاك كانت زعلانه منه بس ردت لأنها خايفه عليه
ملاك:ألوو
فيصل :صباح الخير
ملاك:أهلين
فيصل:أخبارك
ملاك:تمام كانت تتكلم بدون نفس
فيصل:معليش ياقلبي والله أمس كنت مع الوالده وخالي من العصر لين الساعه 12
ملاك:طيب اذكر فيه أختراع اسمه رسايل
فيصل:ههه أدري ياقلبي بس توني ماحد علمني عليه
ملاك تقلد صوته ادري ياقلبي بس توني ماحد علمني عليه
فيصل:ههه طيب أنتي تعالي عندي علميني
ملاك استحت:لامابي
فيصل :ماتبين تعلمين حبيبك
ملاك:أصلا أنا وش ذبحني الا انك حبيبي
فيصل:يالبا قلبك
ملاك تسمع البوري حق الباص
ملاك :حبيبي هذا الباص جا أخليك أوكي باي
فيصل:أوكي حبيبتي باي
ملاك تعرف أن بهذا اليوم فيصل يكون عنده مناوبه يعني مايطلع الا بعد العشا وينام مايصحى الا الفجر يعني مارح يكلمها
من بكره كلمها الصباح وهي طالعه الجامعه كالعاده وكلمها لما طلع من الدوام وقالها بنام اذا صحيت كلمتك وناموا كلهم
~¤~¤~¤~¤~¤~
العشا ملاك توها صاحيه وكانت بسريرها ماقامت منه تفكر بفيصل ألا ويدق عليها
ملاك:هلا قلبي
فيصل :يالبا قلبك شخبارك
ملاك:تمام كيف الحال
فيصل : كل قطعه بلحال
ملاك: هههه
فيصل:الله لايحرمني ياك
ملاك:ولايحرمني وجودك جنبي
فيصل :ملاك تتذكرين لما قلتلك أبيك بموضوع
ملاك:اها وش هالموضوع
فيصل :لاتعصبين
ملاك:أوكي قول خوفتني
فيصل:بهذاك اليوم كنت راح أتملك
ملاك:إيش وليش ماقلتلي قبل
فيصل:عشان أنتي قلتي أنك بتتركيني لاعرفتي اني تملكت بعدين كنت بقولك بس بالوقت المناسب
ملاك:متى انشالله لاجبت منها ولد والا بنت
فيصل:لا قبل كنت بقولك بس احترت كيف
ملاك بنبره حاده:فيصل ليش ماقلتلي؟
فيصل:خلاص انتهى الموضوع
ملاك تقلده:انتهى الموضوع
فيصل يضحك :خلاص عاد ملوكه
ملاك:إيوه وليش هونت انشالله
فيصل:قلتلها بنتي بتعيش عندي رفضت قلت أجل خلك ببيت أبوك
ملاك:أحسن
فيصل:هههه
ملاك:يالله لوسمحت أنا ابي أقوم أغسل وآخذ شاور ولاتنسا ترى انا زعلانه وبشوف شلون بتراضيني باي
فيصل:كذا وعطاها بوسه
ملاك استحت وقالت يالبا قلبك
فيصل: كم عندي ملوكه وتزعل مشكله
ملاك:ههه يقولون مغروره وشلون ماأغتر وانت تموت فيني أحم أحم فصول أسمعني
فيصل: لبيه
ملاك:أحبك
فيصل:أموت فيك
ملاك:أوكي حبيبي اخليك الحين أوكي
فيصل:أوكي حياتو باي
ملاك:باي
~¤~¤~¤~¤~¤~
خالد مره دق على مرام وكلمها عني قالها بنت خالتك مراهقه وان ولد عمي يكلمها كذا وهي مصدقه نفسها وتراها ارسلت صورتها لفيصل أنا وفيصل مانخبي عن بعض شي مرام قالت له مستحيل ماتسويها
(لان ملاك ماقالت لمرام وريم انها ارسلتله الصوره)
خالد:انا بعد يومين بدق عليك وبقولك الدليل على كلامي
مرام:اوكي
كانت متاكده انه غلطان
بعد يومين دق خالد على مرام
مرام :نعم
خالد:السلام عليكم
مرام:وعليكم خلصني قول الدليل
خالد :طيب بس لاتعصبين
بنت خالتك كذا وكذا وكذا.....صار يوصف شكلها ومرام مي مصدقه معقوله ملاك تسوي كذا خالد قال لمرام لاتقولين لملاك اللي قلتلك عشان ماتصير مشكله اوكي
سكرت منه ودقت على ريم وقالت لها
ريم قالت لمرام: طيب شرايك اذا قلتلك ان فيصل صاير يدق علي من فتره وقايلي لاتقولين لملاك وانا ماقلتلها مرام كانت معصبه وسكرت من ريم وهي منقهره من ملاك ومن كلام خالد عنها
بعد يومين ملاك كانت قاعده على الماسنجر الا ويدق عليها فيصل
ملاك:اهلين فصول
فيصل :هلابك شخبارك
ملاك:تمام انت شخبارك
فيصل الحمدلله
ملاك:فيصل قلبي معليش انا الحين مشغووله شوي بدق عليك
فيصل أوكي بااي
ملاك بااي
( ملاك كانت تبي تشوف مرام شفيها كانت موجوده ولاترد على ملاك)
ملاك:مرام شفيك علي انا مزعلتك بشي
مرام:اسألي نفسك شسويتي بعدين تعالي ناقشيني
ملاك:طيب انتي قوليلي كانت متاكده انها مازعلت مرام بشي
مراام :مارح اتكلم
ملاك مرام اسمعيني الحين بدق عليك اشوف شفيك ردي
مرام :لاتدقين مارح ارد عليك ماكانت تبي تقولها شقال عنها خالد
ملاك سجلت خروج بسرعه ولاشافت رسالة مراام الاخيره
ملاك تدق على مراام ولاردت وهي حااولة لين ردت عليها
ملاك:شفيك مرام قولي لي انا شغلطت معك فيه
مراام: ماتحملت وقالت لملاك شقال خالد
ملاك:انصدمت من كلامها وانصدمت اكثر من فيصل حبيبها سكتت كثير معقوله فيصل يقول عنها كذا فيصل اللي لوطلب روحها عطته
مرام: ملاك لاتقولين لفيصل عن هالموضوع خليك كأنك ماتعرفين شي
ملاك بهدوء: أوكي اخليك مرام بااي
مرام : باااي
سكرت من مرام وراحت غرفتها تبكي
جت ام ملاك تطق عليها باب الغرفه:يمه ملاك ماتبين غدا
ملاك : لايمه مو مشتهيه آكل وكانت تبكي وتتذكر ايامها مع فيصل وتقوول خساارة وفاي لك يافيصل وثقت فييك وخذلتني كثير
العصر دقة ريم على ملاك وقالت لها ان فيصل يكلمها وملاك انصدمت اكثر وقالت خلاص بدق عليه بقوله اني عرفت كل هذا عنه ماعاد استحمل
ريم: لاملاك تكفين لاتقولين له عن الكلام اللي قلتلك هو يعرف رقم امي اخاف يسويلي مصيبه
ملاك: اوكي مارح اقوله
(ملاك فكرت شوي وقالت حساافه عليك الدقايق اللي قضيتها معك وصلت فيه انه يخووني مع بنت خالتي كان نفسها تسأل ريم ليش ماقالتلها من الاول بس تراجعت لانها مارح تستفيد شي)
ملاك تدق على فيصل مايرد عليها
ارسلتله :فيصل ممكن لما تشوف الرساله تدق ابيك ضرووري
فيصل بعد ماشاف الرساله دق على ملاك
ملاك:الوو
فيصل:هلا ملاك وشفيك
ملاك: وشفيني؟؟خنقتها العبره كان ودها تبكي قالت وش الكلام اللي سمعته من ولد عمك
فيصل:؟؟؟ ولد عمي وش قايل
ملاك:يعني ماتدري!!؟
فيصل: ملاك والله مدري عنه شقايل قولي انتي شقال
ملاك: قالت لفيصل كلام خالد عنها
فيصل: ماعليك منه والله انا ماقلتله شي وربي ان الكلام هذا من راسه انا ماقلت شي له
ملاك:فيصل لاتحلف عيب تحط اسم ربي بكذباتك ولد عمك قالها اشياء انا انصدمت شلوون يعرفها وبعدين انا ارسلت الصوره لك ما أرسلتها لولد عمك
فيصل : ملاك خليني ادق عليه اشوف شسالفته
ملاك:ليش تتعب نفسك مارح يتغير شي وانا الحين ماعاد ابي منك شي الا تنسى انك عرفتني اوكي
فيصل عصب منها وقفل الخط بوجهها
وراح دق على خالد وخالد انكر انه قال شي وقال انا ماكلمت مرام من اسبوع مرام كذاابه بعدين مرام تقول أنها تبي ملاك تقطع علاقتها فيك
شوي فيصل يدق على ملاك ويقولها مراام تكذب عليك هي قالت لخالد ما ابي ملاك تكلم فيصل تبي تفرقنا ملاك لاتسمعين كلامها
ملاك:حبيبي مراام ماتكذب اساسا الكلام اللي قاله خالد مراام ماتعرف تقوله
فيصل:ملاك وامي الغاليه ماقلت عنك شي وربي ماتكلمت عليك
(ملاك حست بدموعها بتنزل وسكرت من فيصل
بعد العشاء ملاك ارسلت لفيصل:
الله على اللي ينكر الطيب
الذنب مو ذنبك يافيصل الذنب ذنبي عاشرت ذيب...
بعد ساعتين تجيها رساله منه يقول:
اسمعي يابنت الناس انا والله ماقلت عنك شي واللي قايلك هالكلام انا اعرف شلون اتصرف معه
خالد يومها دق على مرام وقالها : توقعتك اكبر من كذا ليش قلتي لملاك عن السالفه وانا قايلك لاتدري
مرام :أنا ماتعودت اخبي عنها بعدين هي تفهمني اذا فيني شي شلون ماتبيني اقولها
خالد : ارتحتي الحين انا وفيصل الحين مانتكلم مع بعض وسكر منها
فيصل صار يرسل لمرام يقولها انه حطها براسه ومارح يخليها وبيفضحها عند خالاتها لانه يعرف رقم ام ريم وام ملاك ويقول بيدق يعلمهم بفضايح بنت اختهم اللي هي مراام هي خافت ودقت على ملاك تقولها تصرفي معه وكانت تبكي ملاك وقتها رحمتها وقالتلها صدقيني مارح يسوي شي بس هو منقهر منك وبعدين بيهدا وبيعرف انه غلطان بس هي ماسمعت كلام ملاك
فيصل دق على ملاك وقالها أنا بثبت لك انها تكذب واذا اثبتلك هذي البنت ماعاد تكلمينها
ملاك : ليش انهبلت انا بكذبها واصدقك
ومن بكره ارسلت له:
راح عمرك بالغدر والكذب وعمري اللي معك راح ياخساره ضاع فيك
فيصل مارد عليها......
الساعه2الظهر دقت خالت ملاك تقول انهم بيطلعون منتزه وقالت لها تعالي معنا انا وخواتك بنجتمع
ملاك لما اعرفت زعلت لانها بتشووف مراام وهي زعلانه منها
بالمنتزه،،،،،،،
مرام سلمت على ملاك بدوون نفس وبان ان فيهم شي راحوا بعيد عن الحريم عشان مايحسون ان فيه شي بينهم
ملاك:مرام انا مدري شقولك بس انتي اسمعيني وصدقي كلامي
مرام قاطعتها:مابي اسمع منك شي بس حلي الموضوع زي ماخربتيه ليش تقولين لفيصل
ملاك: يعني تتوقعين راح أقدر أمثل اني ما أعرف شي خلاص بدق عليه أتفاهم معه
(ملاك لحظتها دقت على فيصل وقالت له لا تدخل مرام بالموضوع هي مالها دخل
فيصل :هي تكذب عليك وانتي مصدقتها وانا مارح اطلعها من الموضوع بعدين انا الحين مشغول بعدين اكلمك نتفاهم
ملاك : اوكي
(ملاك حست انها ذلت نفسها له بس ما اهتمت عشان مرام طنشت)
ريم وقتها قالت لملاك:امس دق علي وقال انا لو ابي العب على ملاك كنت هددتها بالصوره وخليتها تطلع معي
بس ملاك ما اهتمت لكلام ريم
(رجعوا البيت وفيصل مادق على ملاك
والساعه اربع الفجر جتها رساله منه يقول :
أسمعي لاتحاولين تطلعين مرام من السالفه ان ماخليتها تكلم نفسها بس تصبر علي هي
ردت ملاك له تقول:
اوكي تامر امر
(ملاك لما جت بتنام ماقدرت وصارت تبكي بقوه لدرجة ان عيونها انتفخت من البكاء شوي تجيها رسالة وسائط كلها حب من مين؟؟من فيصل استغربت وراحت دقت عليه)
ملاك: الوو فيصل
فيصل: هلا ملاك
ملاك:فيصل وش ذا الرساله
فيصل يتنهد وضايق:مدري يمكن جت بالغلط
ملاك: اكيد جت بالغلط مويمكن
وصار يعاتبها لأنها ظلمته وهي ولا كأنها تسمع منه شي
ملاك بهالمكالمه طلبت من فيصل رقم خالد فيصل رفض يعطيها بالاول بعدين عطاها الرقم
انهت المكالمه على اساس انها بتدق على خالد بكره.....
(ملاك كان بنفسها تقوله ليش كل هذا تسويه فيني هذا جزاة الحب اللي عطيتك اياه قولي وش شفت مني عشان تحطمني بهالشكل) فكرت بكلام كثير تعاتب فيه حبيبها بس كابرت للاخير وخلت فيصل يحس انها لاحبته ولاشي
وانهت المكالمه معه على اصرارها انها مارح ترجعله مره ثانيه انسدحت على السرير الا وتجيها وسائط من فيصل وكانت الرساله تبين حزنه وتعبه وهي حست هالشي من كلامه وكابرت بس حنت وبكت ....بكت عشاانه اللي حبته من قلبها ودعت ربها انه يساعدها تتعدى هالمرحله وتقدر تنساه
من بكره ملاك دقت على خالد وكان الوقت تقريبا 11بالليل
خالد:الوو
ملاك:السلام خالد
خالد:عليكم السلام معك خالدمن معي
ملاك:انا ملاك ممكن تقولي الحين انت ليه قلت لفيصل انك ماقلت شي لمرام والكلام من تأليف مرام وانت طلعت نفسك منها؟؟؟
خالد:انا صح تكلمت بس انا ماقلت اللي قالتلك مرام هي فهمتني غلط وقالتلك الكلام حسب فهمها وهذا مو ذنبي
ملاك:انا الحين هالشي مايهمني اللي ابيه انك تدق على فيصل وتقوله الكلام اللي قلته لي عشان لايقعد يهدد بمرام
خالد:فيصل يهددها..؟ كلام بس كلام
ملاك: أنا داريه انه كلام بس مرام ماتدري
خالد: خلاص انا بكلم مرام وبقولها تتطمن لان فيصل مارح يسوي شي
ملاك:ودق على فيصل وقله انا متكلم مرام ماخرفت الحكي من راسها
خالد:انشالله
دق خالد على فيصل ودق على مرام يطمنها
(دقايق يدق فيصل على ملاك)
ملاك:الووو
فيصل: السلام
ملاك:عليكم السلام
فيصل: انتي شقلتي لخالد
ملاك:اعتققد انه دق عليك وعلمك شقلتله
فيصل:هو يقول انك تقولين فيصل بس يتكلم
ملاك:تشهق هييي الحين انا اللي قلت كذا والا هو؟؟وربي هو اللي قالها وأنا قلت ادري انه بس يتكلم بس انا اقصد اني ما اتوقع انك بتسوي للبنت شي لانك مارح تستفيد
فيصل:بالعكس راح استفيد كثير
ملاك:طيب براحتك
فيصل :ملاك ابي اسألك وجاوبيني بصراااحه انتي تحبيني
ملاك سكتت هي تحبه موت بس ماتبي تقوله وقالت له:انا اول كنت اظن اني احبك بس الحين اكتشفت العكس
(يمكن حست انها تبي تجرحه مثل ماجرحها)
فيصل :اجل اللي بيننا ماكان حب ياملاك
ملاك:ممكن ليه لا
وسكرت منه
(جلست تفكر فيه وانها يمكن جرحته حز بنفسها هالشي لانه حبيبها ارسلتله:
فيصل يمكن انا ظلمتك وجرحتك بس لايغرك كلامي انا اللي احط له مكان بقلبي مايبعده عن هالمكان الا مووتي
بالليل ملاك نايمه تجيها رساله من فيصل:
قرتها لقتها رسالة عتب
وردت عليه:
بكيت من القدر وش عاد اسوي نويت الصبر وخانتني دموعي
رد عليها:
والله فقدتك حيل يا اعز الاصحاب
عساك تسعد بالفرح والتهاني
يقولها قلبن عن الحب ماتاب
واللي بقلبي لك يقوله لساني
ماغيرتني دنيتي يا اوفا الاحباب
مخلص ولا لي بالبشر وجه ثاني
ردت عليه:
ابي اغفى على صدرك دقايق
لو قلتلي وش فيك بكيت وقلت محتاجك ابيك
رد عليها:
متى تردين وترد الاماني
متى تردين وترد الاغاني
متى نكتب سوى احلى قصيده تعبت كثير من عد الثواني،،،
(بعد هالرساله ملاك حست انها راح تبكي حبست دموعها ونامت وماردت عليه)
من بكره بالليل فيصل ارسل لملاك رساله وهي ماردت
بعد الرساله بساعه تقريبا دق عليها وردت
ملاك: الوو
فيصل:هلا ملاك
ملاك:اهلين
لحظة سكووت....
فيصل:تدرين انك وحشتيني
ملاك ساكته........
فيصل:تدرين اني أحبك
ماردت ملاك وفيصل قعد يتكلم عنها وعن ايامه معها وقال اني دقيت على ريم اشكيلها حالي
ملاك حست انه مو طبيعي سألته:فيصل شفيك انت مو صاحي؟؟كنت تشرب؟!
فيصل:تبين الصراحه <<سكرااان>>ابي انسا ايامك ابي انسا سوالفك ماقدرت تدرين اني ماتعشيت اليوم بسبتك واني ماداومت يومين بسبتك
ملاك رحمته وحست لو انها عنده ضمته بس بعد كابرت وقالت بكل بروود اهاا
فيصل :ملاك انا احبك
ملاك:طيب؟؟!!
قعدوا يعاتبون بعض بدوون فايده لان ملاك عندت خلاص المشكله انها مو قادره تتخلص من حبه
فيصل لما جاء يسكر قال:ملاك فيه شي نسيت اسويه
ملاك :شنو
فيصل:اموااااااااااح
ملاك استحت وبنفسها قالت يالبا قلبك بس قالت لفيصل اوكي باااي
(فرحت بهالبوسه لانها اشتاقت له كثييير
فيصل سكر على اساس انه بينام
من بكره ملاك دقة على فيصل
ملاك:الووو فيصل اخبارك
فيصل :هلا ملاك تمام اخبارك انتي
ملاك:الحمدلله مشغوول
فيصل :والله يعني ليه
ملاك:ابي اقولك كلمتين كذا برواقه
فيصل :اوكي اذا رجعت من الاستراحه اكلمك
انتظرت ملاك فيصل يدق ولادق عليها اخذت جوالها وارسلت:
فيصل أبي اقولك انا مافيه بقلبي عليك شي وياريت تشيل اللي بقلبك علي الله يحفظك وتتزوج البنت اللي بتسعدك باااي
نص ساعه الا فيصل يدق على ملاك
ملاك:هلا
فيصل:اهلين شخبارك
ملاك:تمام
فيصل: ملاك سمعيني
ملاك:شسمعك؟؟
فيصل: الكلام اللي ارسلتيه
ملاك:أنت قريته؟؟
فيصل:إيه بس ابي اسمعه منك
ملاك:انا قلت اني مو زعلانه منك
فيصل :يالبا قلبك
ملاك:........
فيصل صار يسولف عن البنات يبي يقهر ملاك بس ملاك ماتحرك فيها ساكن وهو استغرب لأن غيرت ملاك عليه مجنوونه بس قال يمكن فيها زعل لين الحين
رجع فيصل يدق على ملاك بس ملاك تغيرت ماعادت مثل اول صارت مشااعرها بارده ماتعطيه وجه ابد وهو حاول يتحملها بس ماقدر وصار يتهاوش معها وهي ترد عليه بكل بروود هي كانت تقصد هالشي عشان يرتفع ضغطه وفعلا كان يعصب منها ويرووح يدق على ريم يشتكيلها وبعدين صار يقول لريم اذا ماعدلت اسلوبها بعرف اخليها تعدله هو بباله ان ملاك ماتدري انه يكلم ريم بس ليش كان يقولها هالكلام ما ادري هي كان محيرها هالشي المهم فيصل كل مايدق على ملاك يعصب من اسلوبها ويزعل وبعدها يرجع يدق ويسألها وشفيها كذا وهي تقول مافيني شي هذا اسلوبي وياخذله وقت ويدق عليها ولاتعطيه وجه ويعصب ويزعل بعدين يرجع يدق مره ثانيه
مره دق عليها وكانت راح تطلع
ملاك:الووو
فيصل هلا اخبارك
ملاك بدوون نفس تماام فيصل انا الحين طالعه يالله اخوي ينتظرني
فيصل:بتطلعين بدوون ماتقولين لي
(ملاك كانت متعوده اذا بتطلع تدق على فيصل تقوله انها بتروووح اذا مارد ترسله رساله تعلمه يعني ماتطلع بدون مايدري)
ملاك:هذاك عرفت الحين
فيصل :لا والله
ملاك:ايه والله <<<تتريق
فيصل:ملاك شفيك علي
ملاك: بقولك شفيني بس بكره مو اليوم انزين باااي
فيصل :: باااي
وقالت لريم انها راح تقوله انه يكلمك وانها عارفه من زمان ان انتي تكلمينه ريم قالت اوكي
من بكره فيصل دق على ملاك وسألها عن اللي مضايقها منه:؟؟
ملاك:تدري يافيصل انا عارفه انك تكلم ريم من متى
فيصل:ايوه وكان يقولها مصدووم
ملاك:من زمان وساكته عشان اشوف آخرتها معك
فيصل:ملاك ماكلمتها
ملاك:هي اللي قالت
فيصل: ملاك اقولك ماكلمتها تكذب عليك
ملاك عصبت : يوووه بسك كذب طفشتني انا ماجيت اسألك تكلمها والا لا انا قلتلك عشان ماعاد تسألني ليش تغيرت عليك
انا مليت منك فيصل بس تكذب وهذا اللي ماخذته منك كنت اتمنى ان النهايه بيننا تكوون احسن من كذا بس للأسف ويالله مع السلامه
فيصل ::ملاك
ملاك:سكرت الخط
فيصل ماعاد دق عليها لانه ماعاد له وجه يكلمها وعرف انه خسر انساانه حبته من قلبها خسرها بفعايله
بعد فتره ارسل لها فيديو لأغنية وحشني صوتك بقوه ولا ردت عليه
بعد فتره ارسل لها وسائط كلها حب واشتاقت له
بس تذكرت جرحه لها وارسلت له اغنية استاذ الخيانه وكتبت غلطتي ارخصت نفسي يوم اضويتك بشمسي
مرت ايام ملاك وكل يووم تضعف نفسيتها اكثر من اول لأنها خسرت الحب الاول لها
وكانت محتاجه لفيصل جنبها وتكاابر وتكاابر
فيصل حاول يتصل فيها بس هي غيرت رقمها وماعرف يوصلها الا عن طريق ريم
اخذ رقمها من ريم
ريم عطته الرقم لان ملاك كانت محتااجه فيصل وريم حاسه فيها بس فيصل مادق على طول كان خايف من ردة فعل ملاك
(ملاك تعبت نفسيتها لدرجة ان أهلها لاحظوا هالشي اقترح أبوها أنهم يسافرون ويغيرون جو منها تتعدل نفسية ملاك البنت تعبانه ومحتاجه تغيير جو
قالوا بيروحون ياخذون عمره وبعدها يروحون جده والطايف
أخذوا العمره وبالحرم ملاك دعت ربها تتعدى أزمتها ودعت لفيصل بعد راحوا جده وللطايف وملاك الحمدلله صارت أحسن من أول بكثير
وهم راجعين الرياض صار لهم حادث أهلها كلهم صارت فيهم اصابات وكسور وأخوها الصغير صار معاق نقلوهم لمدينة الملك فهد الطبيه لأن ملاك وأخوها حالتهم خطيره أخوها بغيبوبه وملاك سووا لها عمليه مستعجله ودخلوها العنايه
ريم لما عرفت الخبر صارت تبكي عليهم وقالت لازم أقول لفيصل عشان يكون جنب ملاك
دقت على فيصل وهي تبكي
فيصل :ألوو
ريم :فيصل ملاك يافيصل
فيصل :ريم ليش تبكين شفيها ملاك
ريم قالت لفيصل شصار وقالتله هي بأي مستشفى
فيصل قعد يبكي :تكفين ريم شوفيلي متى راح تكون لحالها الله يخليك أبي أشوفها
ريم:طيب بدق على خالتي أسألها
ريم عرفت ان ملاك راح تكون لحالها بعد المغرب لأن وقت الزياره بالعنايه ساعه بس ريم ماقالت لفيصل أنها بالعنايه قالتله أن بعد المغرب مارح يكون عندها أحد
راح فيصل للمستشفى وسأل بالرسبشن عن اسمها وقالوا له انها بالعنايه المركزه بالدور الثاني يمين
فيصل ما استوعب بالعنايه المركزه وراح ورجلينه ماتشيله صار يمشي بصعووبه خاف يشوفها صار كل تفكيره بملاك وان حبيبته بترووح وتخليه وصل للدور الثاني وصار يدور بالاسياب شاف ممرضه واقفه وسألها عن ملاك وقالت له انت مين قال قريبها الممرضه شكت فيه وقالت اسفه ما اقدر اعطيك معلومات عن مريضه انت مو محرم لها
فيصل وقتها قعد يبكي وقالها تكفين الله يخليك انا احبها والله احبها تكفين ابي اشوفها
الممرضه رحمته وقالت خلاص بدخلك بس لاصار شي انت ماتعرفني
فيصل وافق على طول
يوم شافها ماصدق وصار يصارخ
فيصل: ملاك حبيبتي أسمعيني انا فيصل قومي معي لاتخليني وكان يبكي بقوه ومو حاس بنفسه
ملاك حست فيه وحركت يدها ومسكت يده فتحت عيونها وابتسمت وفيصل نزل راسه عندها وقال حبيبتي قومي معي عشان أنا بخطبك من أهلك
ملاك :حطت يدها على خده وقالت فيصل حبيبي تأكد اني ماحبيت غيرك وأن مت حبك مايموت بقلبي فيصل أحبك وغمضت عيوونها
فيصل صرخ وقعد يبكي عندها انتي قلتي عمرك ماتتركيني ملاك خليك معي ملاك...
جو الممرضات والدكتور لقا نبضها موقف سوالها صدمات بالكهربا بس مافي فايده وسحبوا فيصل من عندها بالقوة وطلعوه برا وغطوها
جو اهلها وما اانتبهوا لفيصل ولوجوده قريب من ملاك
وحضر معهم الدفن وجاء عزااها والحقيقه كان يعزي نفسه لأنه كان حاس ان ملاك توفت وهي ماعرفت شكثر فيصل حبها وهالشي كان بيذبحه
(بعد يومين من وفاة ملاك دق رقم غريب على فيصل لما رد
فيصل:الوو
المتصل:مرحبا اخوي انت فيصل ال......
فيصل :اي نعم من معي
المتصل:انا ممرضه وكنت اشرف على حالة ملاك وهي كانت حاسة انها راح تموت وطلبت مني اوصلك رسالة ممكن تجي المستشفى تاخذها
فيصل :تذكر ملاك وغرقت عيونه دموع وقالها:حاضر اختي متى تبين اجي
الممرضه: اذا ماعليك امر تجي بعد صلاة العصر اوكي
فيصل:اوكي مع السلامه
الممرضه: مع السلامه
(راح فيصل للمستشفى بنفس الموعد وتقابلوا واخذ منها الرساله وشكرها ورجع البيت)
بعد مارجع البيت كان خايف يقرااها وحط الرساله بالدرج عند سريره ونام ولا صحى الا الساعه 10بالليل نزل المطبخ وقال لامه تحط له شي ياكل امه لاحظت عليه انه متغير وناحف ولاعاد يطلع مثل اول
ام فيصل:شفيك ياولدي
فيصل:مافيني شي يمه
ام فيصل:حالتك ميب عاجبتني هالايام وبعدين رجعت تدخن وبزياده بعد قلي وانا امك وش صاير معك
(فيصل تذكر ملاك يومها تنصحه يترك الدخاان وشلوون ساعدته لين تركه وراح الغرفه لان خاف يبكي قدام امه)
بالغرفه فتح الدرج اللي حاط فيه الرساله وطلعها بيقراها مكتوب فيها:،،،،
عشيقي فيصل بكره يمكن اموت مابي اشوف في عينك دموع ابي اسمع ضحكتك تضوي الوجود وانا بالكفن تحت الارض مدفونه
وهذي وصاتي..... والقدر علي مكتوب...
تكفى تذكرني وتذكر انك دوووم كنت لي اعز انسااااان اعز واغلا انسااااان
محبتك حتى الموت:ملاك
بعد ماقرا الرساله طلع من البيت وقعد يدووور بالشوارع مايدري وين يرووح وحس انه عطشاان وراح البقاله وهو نازل كان سرحان ما انتبه جت سياره واصدمته واغمى عليه ودوه المستشفى وصار عنده بس كسر برجله دق على صديقه محمد وجا اخذه وداه البيت
فيصل:مشكور حمود تعبتك
محمد:شدعوه فصول حنا اخوان واكثر بعدين تعبك راحه
محمد رجع يجيب سيارت فيصل
أم فيصل دخلت عليه بالمجلس
ام فيصل:فيصل حبيبي شفيك
فيصل:يمه مافيني شي حادث بسيط الحمدلله بس كسر مو شي ثاني
ام فيصل:ياولدي قلي وشفيك هالايام منت على بعضك مو طبيعي شف جسمك شلون صار ودايم سرحان حتى دوامك اهملته وشفيك
فيصل:يمه مافيني شي بس فيه واحد اعرفه وكان قريب مني مره وتوفا عشان كذا بس اوعدك يمه حالي بيتعدل عشانك وعشانه
امه طلعت من الغرفه عشان يرتاح بعد ماتطمنت عليه
بعد هالشي قرر يعيش حيااته على ذكرى ملاك ولايحب بعد لأن برايه الحب راح مع روحت ملاك.....
انتهت القصه
<<<القصه غير واقعيه>>>[/COLOR]
&وتقبلوا تحيتي&الكـــــآتبـه : شموخ عزي